Alaksandr Milinkievič: Aŭtarytarnaja madel pazbaŭlaje našu krainu budučyni
U Prazie pačaŭ pracu štohadovy «Forum‑2000», jaki prachodzić pad patranažam byłoha prezidenta Čechii Vacłava Haveła. Mienavita jon i adkryvaŭ pracu «Forumu».
U Prazie pačaŭ pracu štohadovy «Forum‑2000», jaki prachodzić pad patranažam byłoha prezidenta Čechii Vacłava Haŭła. Mienavita jon i adkryvaŭ pracu «Forumu».
Biełaruś sioleta na mierapryjemstvie pradstaŭlaje lider Ruchu za Svabodu Alaksandr Milinkievič. Taksama jaho supravadžaje staršynia arhkamitetu niezarehistravanaj Partyi svabody i prahresu Uładzimir Navasiad.
Milinkievič vystupić na paneli «Multypalarnaść i pravy čałavieka», razam z byłym prezidentam Batsvany Fiestusam Mahaje, apazicyjanierkaj ź Zimbabve Trydzi Styvinsan, a taksama z pradstaŭnikami Tajłandu i Siejšelskich vyspaŭ.
Milinkievič — jon vystupaŭ pa-francuzsku — zaznačyŭ, što Biełaruś adnosicca da aŭtarytarnaj postsavieckaj krainy, ale heta nie aznačaje adsutnaść šancu pabudavać adkrytaje demakratyčnaje hramadstva. «Dla takoha budaŭnictva patrebnaja štodzionnaja karpatlivaja praca, jakaja, mahčyma, i nie daść imhnienny efiekt. Naša zadača pakazać, što aŭtarytarnaja madel sama viadzie našu krainu ŭ tupik, pazbaŭlaje budučyni», — zaznačyŭ eks‑kandydat na pasadu prezidenta.
Milinkievič taksama havaryŭ pra abjadnańnie apazicyi ŭ krainie na hlebie takich kaštoŭnaściaŭ, jak niezaležnaść, demakratyja, svabodnyja vybary. Što datyčyć dyjałohu pamiž aficyjnym Minskam i ES, to palityk pierakanany, što jon pavinien być,
ale «na movie maralnych demakratyčnych kaštoŭnaściaŭ».
Taksama ŭ Prazie Alaksandr Milinnkievič budzie mieć šerah sustrečaŭ u ministerstvach, z pradstaŭnikami dyjaspary.
Cikavaja akaličnaść. U hateli «Maryjot», dzie pasialiliłasia bolšaść udzielnikaŭ «Forumu» siońnia ranicaj nie było ni chałodnaj, ni haračaj vady ŭ numarach. Haściam daviałosia mycca na pieršym paviersie ŭ zvyčajnaj prybiralni.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda3
Kamientary