Va Ukrainie vynieśli surovy prysud adesitu, jaki vioŭ pracu na karyść Rasii
Ukrainski sud prysudziŭ 15 hadoŭ turmy mužčynie, jaki vyviesiŭ u Adesie rasijski ściah, a taksama supracoŭničaŭ z FSB i sprabavaŭ vykraści čałavieka. Pra heta paviedamili ŭ pres-słužbie Dziaržaŭnaha biuro rasśledavańniaŭ.
Jak dakazaŭ sud, žychar Adesy paśla poŭnamaštabnaha rasijskaha ŭvarvańnia pačaŭ vieści ŭ Adesie padryŭnuju dziejnaść. 22 žniŭnia 2022 hoda jon raźmiaściŭ na adnym z žyłych damoŭ Adesy ściah Rasii z nadpisam: «Adesa — ruski horad», a fota pieradaŭ rasijanam dla vykarystańnia ŭ prapahandysckich materyjałach. Taksama mužčyna źbiraŭ i pieradavaŭ infarmacyju ab USU i vajskovych abjektach u Adesie, źviestki adnosna ŭkrainskich patryjotaŭ, vierbavaŭ byłych ukrainskich pravaachoŭnikaŭ.
Taksama abvinavačany, pa źviestkach śledstva, płanavaŭ vykraści patryjatyčna nastrojenaha pradprymalnika Adesy, jaki zajmaŭsia vałanciorskaj dziejnaściu, i abstalavaŭ u padvale katoŭniu, kab patrabavać ź jaho hrošy. Kurataram z FSB raspaviadałasia, što heta chočuć zrabić, kab destabilizavać situacyju ŭ Adesie, a paśla zachopu horada abmianiać pradprymalnika na rasijskich pałonnych.
Adesita zatrymali ŭ kancy vieraśnia. Ciapier jaho pryznali vinavatym u dziaržaŭnaj zdradzie, kałabaracyjnaj dziejnaści i vykradańni čałavieka.
Kamientary