Rasijskija vajskoŭcy ŭžo bolš za dva tydni nie zapuskajuć pa Ukrainie iranskija bieśpiłotniki. Heta moža śviedčyć ab tym, što pieršaja partyja dronaŭ užo skončyłasia. Pra heta skazaŭ pres-sakratar Pavietranych sił Ukrainy Juryj Ihnat u efiry nacyjanalnaha telemarafona.
«Užo dva tydni my prykładna nie nazirajem (a moža i bolš) hetych iranskich BPŁA. Vierahodna, pieršaja partyja ŭžo skončyłasia», — skazaŭ Ihnat.
Pa jaho słovach, rasijanie vypuścili pa Ukrainie kala 400 iranskich dronaŭ, ź ich 340 byli źbityja.
«Była infarmacyja, što Rasija ŭ cełym zamoviła 1 740. Vierahodna, ciapier niama mahčymaści ich atrymlivać. Mahčyma, iduć pracesy palityčnaha charaktaru. Na heta mohuć upłyvać inšyja krainy», — dadaŭ Ihnat.
Jašče 23 listapada Ihnat paviedamlaŭ, što Rasija vyčerpvaje zapas dronaŭ-kamikadze, ale jana moža pabudavać u siabie zavod dla zborki hetych dronaŭ.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary