Ci zmoža abituryjent zdać niekalki CT, kab byŭ vybar dla pastupleńnia ŭ VNU?
Učora paśla narady ŭ Łukašenki stała viadoma, što dla tych, chto budzie pastupać u VNU, prapanujuć zdavać adzin dadatkovy ekzamien u formie CT. Raniej abituryjent moh zdać niekalki CT, a paśla atrymańnia vynikaŭ abrać, ź jakim siertyfikatam iści. Ciapier tak nielha? Spytali ŭ Minadukacyi.
Žurnalistka «Našaj Nivy» patelefanavała na pramuju liniju, jaje pravodziŭ namieśnik ministra adukacyi Alaksandr Kadłubaj. Voś što jon patłumačyŭ:
«U ramkach školnaj prahramy abituryjent zdaść centralizavany ekzamien pa ruskaj ci biełaruskaj movie, atrymaje adznaku i siertyfikat. Paśla zdaść ekzamien pa pradmiecie na vybar — i taksama atrymaje siertyfikat. Atrymlivajecca, užo dva siertyfikaty. I paśla, u termin asnoŭnaha CT, zdaść jašče adzin pradmiet na vybar dla ŭniviersiteta, u jaki vyznačyŭsia pastupać, — i atrymaje treci siertyfikat».
Pavodle namieśnika ministra, z trymia siertyfikatami vypusknik pojdzie padavać dakumienty ŭ abranuju VNU. To-bok nielha zdać dva CT, kab paśla mieć bolšy vybar, kudy pastupać?
«Taho, što raniej było 4 siertyfikaty CT, u hetaj madeli niama. Tut mienavita dzicia razam z baćkami ci kimści jašče vyznačaje, kim jano choča stać i kudy choča pastupać», — adkazaŭ jon.
Taksama čynoŭnik dadaŭ, što z 1 pa 12 červienia možna budzie prajści sumoŭje i ŭnutrany ekzamien u VNU abituryjentam, u jakich jość metavaje nakiravańnie.
«Napramuju padajecca zajava na metavaje, i dla takich abituryjentaŭ vyviešvajecca hrafik ispytaŭ. Prahrama hetych sumoŭjaŭ i ispytaŭ budzie apublikavana na sajcie Ministerstva adukacyi da Novaha hoda, možna budzie rychtavacca. Nu i vy ž razumiejecie, što kankretna toj zakazčyk, u jakoha vy ŭziali metavaje nakiravańnie, zabiare vas pracavać da siabie na piać hadoŭ», — reziumavaŭ jon.
Jak rastłumačyŭ učora na naradzie ministr adukacyi Andrej Ivaniec, zaličeńnie va ŭniviersitety budzie pravodzicca pa vynikach dvuch CE, adnaho dadatkovaha ekzamienu ŭ vyhladzie CT i siaredniaha bała atestata.
Čytajcie taksama:
Śpis tych, kaho mohuć zaličyć u VNU pa-za konkursam, pašyryli
Ministr adukacyi pra terminy praviadzieńnia ŭstupnaj kampanii ŭ 2023 hodzie
Paśla skančeńnia 11 kłasaŭ vypuskniki buduć zdavać dva centralizavanyja ekzamieny
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary
stabilnoje hraždanskoje obŝiestvo", a takžie "poddierživať niezavisimyje
ŚMI".