Kolkaść karupcyjnych złačynstvaŭ u krainie vyrasła, ale Hienprakuratura ličyć heta svaim pośpiecham
Štohod u Biełarusi rehistrujecca ad paŭtary da dźviuch tysiač karupcyjnych złačynstvaŭ. Kolkaść vyjaŭlenych takich złačynstvaŭ pavialičyłasia ŭ 2022 hodzie ŭ paraŭnańni ź minułym hodam amal na 35%. Takija danyja pryvioŭ Ihar Hrejba, načalnik upraŭleńnia pa baraćbie z karupcyjaj i arhanizavanaj złačynnaściu Hienieralnaj prakuratury Respubliki Biełaruś.
Niahledziačy na ličby, Hienprakuratura nie ličyć, što karupcyi ŭ Biełarusi stała bolš.
«Heta nie aznačaje, što krainu nakryła chvala karupcyi. U hetym vypadku varta kazać ab pavyšeńni efiektyŭnaści raboty pa vyjaŭleńni supraćpraŭnych dziejańniaŭ», — ličyć Hrejba.
Samyja karupcyjnyja śfiery, pa danych Hienprakuratury, — sielskaja haspadarka, pramysłovaść, budaŭnictva, transpart, handal, adukacyja. Tut była vyjaŭlena najbolšaja kolkaść karupcyjnych złačynstvaŭ.
Škoda ad ich skłała 19 młn rubloŭ, jana kampiensavanaja napałovu. Astatniaje dazvolić pakryć aryšt na majomaść.
Udzielnaja vaha karupcyjnych złačynstvaŭ u ahulnaj struktury złačynnaści, pa danych Hienprakuratury, składaje kala 2%.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary