Paśla Novaha hoda pierastanuć lotać čartary ź Minska ŭ Antalju
U samy papularny ŭ biełarusaŭ kurortny aeraport čartarnyja rejsy pierastanuć lotać 6 studzienia. Pra heta paviedamili ŭ Respublikanskim sajuzie turystyčnych arhanizacyj.
U arhanizacyi nahadali, što pieršapačatkova «Biełavija» płanavała, što čartar Minsk — Antalja budzie lotać pa subotach až da pačatku viasnova-letniaha siezona. I z 11 listapada rejs Minsk — Antalja sapraŭdy vykonvaŭsia pa paznačanych dniach.
Pry hetym turysty lotali na adpačynak jak na tydzień, tak i na dva, i na try, i navat amal na miesiac, — praciahłaść turaŭ varjiravałasia. Ale achvotnych adpačyć la chałodnaha Mižziemnaha mora znachodziłasia ŭsio mienš, tamu turapieratary vyrašyli spynić čartarnuju prahramu: apošni samalot, jaki zabiare biełarusaŭ z tureckaha ŭźbiarežža, adpravicca ŭ rejs 6 studzienia.
Aceńvajučy hetuju prahramu avijakampanii, pradstaŭniki turystyčnaj haliny adznačyli, što jana była ŭ cełym paśpiachovaj, bo ŭpieršyniu ŭdałosia pradoŭžyć pieryjad čartarnych palotaŭ na hałoŭny turecki siezon da navahodnich śviataŭ uklučna.
Uvohule ž u biełarusaŭ jašče jość vybar: jany mohuć zimoj dabiracca ź Minska ŭ Abjadnanyja Arabskija Emiraty, samaloty tudy lotajuć pastajanna. Kankurencyja z boku hetaha kirunku i paŭpłyvała na źmianšeńnie popytu na Antalju, bo ŭ AAE ciapier ciaplej i kamfortniej.
-
«Heta prosta cud, što ja palacieła». Pasažyrka samalota z Dubaja stała na bok biełarusaŭ, jakija prosiać kampiensacyju ad apieratara
-
Na aŭkcyjonie prapanujuć nabyć «kavavy kubačak»
-
Biełaruski muzyka zhubiŭ u Varšavie svoj pašpart, ale znajšoŭ inšy — nieznajomaj žančyny. A ŭžo jana dapamahła znajści jahony
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary