Ministry Jeŭrasajuza pakul nie zmahli ŭzhadnić dziaviaty pakiet sankcyj suprać Rasii
Krainy Jeŭrapiejskaha Sajuza nie zmahli ŭzhadnić dziaviaty pakiet sankcyj suprać Rasii na pasiadžeńni ministraŭ zamiežnych spraŭ. Pra heta zajaviŭ viarchoŭny pradstaŭnik ES pa źniešniaj palitycy Žaziep Barel, paviedamlaje «Jeŭrapiejskaja praŭda».
«Ministry nie dasiahnuli damoŭlenaści, ale ja spadziajusia, što na hetym tydni jana budzie dasiahnutaja», — skazaŭ Barel na bryfinhu paśla sustrečy sa svaimi kalehami ź ES u Brusieli.
Paźniej jon udakładniŭ, što prablema z uzhadnieńniem zaklučajecca nie ŭ niejkaj kankretnaj krainie-siabroŭcy ES.
«Niama 100-pracentnaj damoŭlenaści. Niekatoryja krainy-členy nie zhodnyja. Ja nie mahu ŭdavacca ŭ detali i pakazvać: voś hetaja ci hetaja. My praciahniem… ale ja całkam upeŭnieny, što my dasiahniom damoŭlenaści. Prablema nie ŭ adnym kankretnym členie. Heta prablema peŭnaha rodu vyklučeńniaŭ, jakija mohuć być uviedzienyja, kab my byli ŭpeŭnienyja, što našy sankcyi nie buduć mieć pabočnych efiektaŭ, i što ŭ toj ža čas my nie spustašajem efiektyŭnaść sankcyj», — dadaŭ jon.
7 śniežnia Jeŭrakamisija prapanavała dziaviaty pakiet sankcyj suprać Rasii za raźviazanuju joju vajnu, jaki prapanuje zaćvierdzić krainam-siabram. Jeŭrakamisija prapanavała sankcyi suprać jašče troch rasijskich bankaŭ i dadatkovyja ekspartnyja abmiežavańni dla tavaraŭ padvojnaha pryznačeńnia, a taksama padrychtavała mierapryjemstvy dla ŭskładnieńnia Rasii dostupu da bieśpiłotnikaŭ. Taksama prapanova praduhledžvała błakavańnie jašče čatyroch rasijskich telekanałaŭ u efiry i na ŭsich płatformach.
Paźniej stała viadoma, što suprać zapłanavanaha novaha pakieta antyrasijskich sankcyj vystupiła Vienhryja.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary