Novy ekałahičny noŭtbuk Dell Concept Luna možna razabrać za ličanyja siekundy
Karystalniki spadziajucca, što heta krok u bolš pieradavuju, modulnuju epochu.
U minułym hodzie kampanija Dell zaintryhavała karystalnikaŭ noŭtbukaŭ svajoj kancepcyjaj Luna — sprobaj stvaryć ustojlivy noŭtbuk ź mienšaj kolkaściu vintoŭ i vykarystoŭvajučy kampanienty, jakija lahčej madernizavać i pierapracoŭvać. U hetym hodzie Dell prasoŭvaje hetuju kancepcyju jašče dalej. Ich apošniuju pryładu Luna možna całkam razabrać prykładna za 30 siekund. Niama nijakich kabielaŭ i vintoŭ, pra jakija treba turbavacca, paviedamlaje Engaget.
Jak heta moža być? Dell raspracavała całkam modulnuju kanstrukcyju, u jakoj kožny kampanient lohka pryščoŭkvajecca i adščoŭkvajecca. I heta nie prosta markietynhavy krok: jak bačym na videa nižej, supracoŭnik Dell sapraŭdy lohka raźbiraje pryładu. Heta nastolki ž prosta, jak dastavać i ŭstaŭlać SIM-kartu ŭ telefon.
U novym noŭtbuku jość miesca dla vientylatara CPU, što dazvalaje raźmiaščać bolš mahutnyja pracesary.
Składańnie i razborka pryład Luna na častki moža ažyćciaŭlać i robat. Pry hetym mahčymaje adnačasovaje testavańnie asobnych častak: adny ź ich znošvajucca čaściej, druhija — radziej. Skažam, kali vy ŭ asnoŭnym vykarystoŭvali svoj noŭtbuk na stale z vynasnoj kłavijaturaj, jaho ŭbudavanaja kłavijatura prasłužyć daŭžej.
Ale choć i małaimavierna, što taki noŭtbuk chutka pojdzie ŭ masavuju vytvorčaść, sam fakt jaho vynachodstva paŭpłyvaje na raspracoŭku novych madelaŭ Dell. Novy kancept moža paŭpłyvać na zruch u halinie ŭ cełym — u bok aptymizacyi materyjałaŭ dla nastupnaha paŭtornaha vykarystańnia, rekanstrukcyi abo pierapracoŭki.
Kampanija taksama prasoŭvaje svaje inicyjatyvy bolš ekałahičnaha raźvićcia roznymi inšymi sposabami, naprykład, skaračajučy adkidy ad upakoŭki abo vyvučajučy ŭžyvańnie pierapracavanych materyjałaŭ.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Ciapier čytajuć
Babaryka: Kali b my pieramahli — vajny va Ukrainie nie było b21
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»66
Kamientary