Sabaka spyniŭ spabornictvy pa harnałyžnym sporcie ŭ Italii VIDEA
Sabaka vybieh na trasu padčas supierhihanta na etapie Kubka śvietu ŭ italjanskim Bormia. Zajezdy pierarvalisia prykładna na piać chvilin. Źjaŭleńnie sabaki vyklikała śmiech jak spartsmienaŭ, tak i hledačoŭ spabornictvaŭ.
Sabaka vybieh na trasu i pierapyniŭ spabornictvy ŭ supierhihancie na etapie Kubka śvietu pa harnałyžnym sporcie ŭ italjanskim Bormia.
Adznačajecca, što sabaka ŭciok ad svajho haspadara i trapiŭ na trasu, dzie zładziŭ ułasny chutkasny spusk. Pad śmiech udzielnikaŭ spabornictvaŭ i hledačoŭ žyvioła pabiehła ŭniz pa trasie. Zajezdy na Kubku śvietu byli pierapynienyja bolš čym na piać chvilin, pakul ściuardy sprabavali złavić sabaku, a jon u niekatorych momantach kamična ślizhaŭ pa lodzie.
U vyniku złavić jaho tak i nie ŭdałosia, jon znajšoŭ prałom u płocie i źnik z trasy.
Pieramožcam etapu staŭ šviejcarac Marka Odermat. Heta była jaho 16-ja pieramoha na Kubku śvietu i 6-ja — u supierhihancie.
Kamientary