Ramana Koržyka abvinavačvali ŭ tym, što jon napisaŭ u telehram-čatach abraźlivyja kamientary pra šeść supracoŭnikaŭ MUS z 29 kastryčnika pa 7 śniežnia 2020 hoda. Heta artykuł 369 KK — «abraza pradstaŭnika ŭłady».
Jak tłumačać pravaabaroncy, u adpaviednaści ź dziejnaj tady redakcyjaj Kryminalnaha kodeksa maksimalnaje pakarańnie pa artykule było da 2 hadoŭ pazbaŭleńnia voli, a značyć, «złačynstva» minčuka adnosiłasia da tych, jakija nie ŭjaŭlajuć vialikaj hramadskaj niebiaśpieki. U takim vypadku termin daŭniny — dva hady z momantu ździajśnieńnia ŭčynku. Heta značyć, prysud Ramanu Koržyku musiŭ nabyć moc na praciahu dvuch hadoŭ z daty napisańnia apošniaha kamientara — nie paźniej za 7 śniežnia.
Adnak prysud u sudzie byŭ vyniesieny 6 śniežnia, a nabyć moc moh nie raniej čym praz 10 dzion. U takim vypadku sudu varta było spynić spravu za zakančeńniem terminu daŭnaści. Adnak zamiest hetaha minčuku pryznačyli hod abmiežavańnia voli, a taksama abaviazali vypłacić pa 1000 rubloŭ kožnamu z šaści paciarpiełych.
Jak ciapier vyśvietliłasia, sud vypraviŭsia na dadatkovym pasiadžeńni 26 śniežnia. Sudździa Natalla Vakulčyk, jakaja raniej vyniesła abvinavaŭčy prysud, hetym razam pastanaviła vyzvalić Ramana Koržyka ad pakarańnia z pryčyny skančeńnia terminu daŭnaści.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ8
Kamientary