U Rasii adkryli pieršuju miemaryjalnuju došku źniavolenamu, jaki vajavaŭ u PVK «Vahnier». Jana źjaviłasia ŭ škole
U sarataŭskaj škole № 11 uračysta adkryli miemaryjalnuju došku zahinułamu va Ukrainie praparščyku Dzianisu Kavyrzinu. Jak vyśvietliła Ruskaja słužba Bi-bi-si, jon byŭ źniavolenym, zavierbavanym na vajnu PVK «Vahnier».
Pavodle źviestak vydańnia, u 2016 hodzie Kavyrzina asudzili da siami z pałovaj hadoŭ kałonii strohaha režymu za zabojstva padčas kanfliktu z «asobami tadžykskaj nacyjanalnaści». Paśla hetaha sud niekalki razoŭ admaŭlaŭ jamu va ŭmoŭna-daterminovym vyzvaleńni.
U lipieni 2022 hoda ŭ nižaharodskuju PK-11, dzie jon adbyvaŭ pakarańnie, pryjechali viarboŭščyki PVK «Vahnier» i vyvieźli adtul źniavolenych. Vidać, mienavita tak Kavyrzin apynuŭsia na froncie i ŭ pačatku žniŭnia zahinuŭ.
U śniežni na fasadzie škoły № 11 Saratava, vypusknikom jakoj byŭ Kavyrzin, źjaviłasia miemaryjalnaja šylda ź jaho imiem. Na joj napisana, što praparščyk uznaharodžany miedalom «Za advahu» i zahinuŭ padčas «śpiecapieracyi». Pastanovu ab ustalavańni šyldy padpisała mer Saratava Łada Makravusava.
Ci byŭ Kavyrzin pamiłavany prezidentam pierad adpraŭkaj na front, jak abiacaŭ u kałonijach zasnavalnik PVK «Vahnier» Jaŭhien Pryhožyn, nieviadoma.
Pa danych Ruskaj słužby Bi-bi-si, hetaja šylda stała pieršaj miemaryjalnaj doškaj źniavolenamu, jaki vajavaŭ u PVK «Vahnier», aficyjna ŭstalavanaj uładami Rasii.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda4
Kamientary