U Hrodnie ź vialikaj źnižkaj vystavili na aŭkcyjon budynak XIX stahodździa
Ułady Hrodna vystavili na prodaž adzin z najstarejšych budynkaŭ horada, jaki ŭjaŭlaje historyka-kulturnuju kaštoŭnaść, — kamianicu kniazioŭ Masalskich na vuł. Zamkavaj, 5. Startavaja cana łota — krychu bolš za 2 młn rubloŭ, piša Office Life.
Aŭkcyjon pa prodažy kamianicy projdzie 16 lutaha.
Heta ŭžo trecija tarhi za paŭtara hoda, u paraŭnańni ź minułym aŭkcyjonam cana była źnižanaja na 30%.
Upieršyniu budynak chacieli pradać vosieńniu 2021 hoda za 1,159 młn dalaraŭ pavodle tahačasnaha kursa, adnak pakupnika nie znajšłosia.
Na nastupnych tarhach startavy ceńnik źnizili na 20% — da 925 tysiač dalaraŭ, ale znoŭ niaŭdała.
Ciapier trochpaviarchovy cahlany budynak ahulnaj płoščaj 2,2 tys. kv. mietraŭ chočuć pradać z aŭkcyjonu pa startavaj canie 2 041 561 rubiel (kala 780 tysiač dalaraŭ).
Budučy ŭłaśnik pavinien pierarabić pabudovu pad pamiaškańnie hramadskaha pryznačeńnia, heta značyć nie vykarystoŭvać pad žyllo abo vytvorčaść. Prajekt rekanstrukcyi treba abaviazkova zaćvierdzić, a zaviaršyć jaje — nie paźniej za čatyry hady z momantu pakupki.
Apošnija hady budynak zajmaŭ internat Hrodzienskaha mieduniviersiteta, u 2020-m žycharoŭ raśsialili z-za drennaha stanu pamiaškańnia. U kartcy abjekta paznačany 1882 hod pabudovy, ale heta, chutčej za ŭsio, data adnoj ź pierabudoŭ.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary