25 kastryčnika 75 hadoŭ spoŭniłasia b piśmieńniku, pierakładčyku, hramadskamu dziejaču Karłasu Šermanu (1934-2005).
25 kastryčnika 75 hadoŭ spoŭniłasia b piśmieńniku, pierakładčyku, hramadskamu dziejaču Karłasu Šermanu (1934-2005).
Karłas Šerman naradziŭsia ŭ stalicy Uruhvaja Montevidea. Jaho baćka Ryhor byŭ emihrantam z Zachodniaj Biełarusi. Peŭny čas žyli ŭ Arhientynie. U 1950-ch hadach siamja pierajechała ŭ Biełaruś, paddaŭšysia savieckaj prapahandzie. Tut Karłas Šerman pracavaŭ na fabrycy. Avałodaŭšy biełaruskaj movaj, staŭ biblijatekaram. Zahadvaŭ redakcyjna-vydavieckim siektaram Fundamentalnaj biblijateki imia Jakuba Kołasa NAN Biełarusi.
Kali ŭ SSSR pačałasia pierastrojka, jon razam z Bykavym, Baradulinym, Brylom, Adamovičam, Aleksijevič rašuča ŭstaŭ na bok pieramienaŭ. Doŭhi čas byŭ vice-prezidentam Biełaruskaha PEN-centra - svajho lubaha dziciaci. Byŭ adnym z budaŭničych adrodžanaha niezaležnaha hramadstva Biełarusi i z ułaścivaj jamu mudraściu braŭ čynny ŭdzieł u abaronie demakratyi i niezaležnaści ŭ kancy 1990-ch. Byŭ adnym ź inicyjataraŭ tvareńnia Asamblei niaŭradavych arhanizacyj, Biełaruskaha Chielsinskaha kamitetu.
Apošnija hady žyćcia piśmieńnika prajšli ŭ Narviehii - jaho sprabavali vylekavać ad raku, tam jon i pamior. Jaho prach byŭ pachavany ŭ Biełarusi. Siudy viarnułasia jahonaja ŭdava.
Pisaŭ pa-ispansku, pa-biełarusku i pa-rasiejsku. Aŭtar paem «Doždž u Karališčavičach» i «Nakirunki śvietu», zbornika vieršaŭ «Sny», knihi krytyki i ese «Tajamnicy počyrku». Na ispanskuju movu pierakłaŭ tvory Jakuba Kołasa, Janki Kupały, Arkadzia Kulašova, Ryhora Baradulina, Vasila Bykava i inšych. Na biełaruskaj movie ŭ jaho pierakładach źjavilisia raman Habryjela Harsija Markiesa «Kachańnie padčas chalery», tvory Nikałasa Hiljena, Fieliksa Pita Radryhiesa, Armanda Techada Homiesa i inšych.
Dahetul nie vydadzienyja całkam jahonyja ŭspaminy, jakija majuć litaraturnuju kaštoŭnaść. Nie znajšłosia pakul vydaŭcy...
Kamientary