Raman «Nielha zabyć» Uładzimira Karatkieviča vyjšaŭ u farmacie aŭdyjaknihi
Vyjšaŭ raman Uładzimira Karatkieviča «Nielha zabyć» u farmacie aŭdyjaknihi ŭ ahučvańni Leanida Dzierkača — paviedamlajuć audiobooks.by.
Adzin z rańnich ramanaŭ kłasika biełaruskaj litaratury byŭ skončany ŭ 1962 hodzie i mieŭsia vyjści asobnym vydańniem u 1982. Ale zdarajecca absurdnaja niespadziavanka: pamiraje pieršy sakratar kampartyi Leanid Brežnieŭ, i kniha pad nazvaj «Leanidy nie viernucca na Ziamlu» padajecca cenzaram kramolnaj. Mienavita tamu savieckamu čytaču raman byŭ viadomy vyklučna jak «Nielha zabyć» — nazva, prydumanaja ŭ apošni momant, kab abyści cenzuru.
…Praŭnuk biełarusa Usiasłava Hrynkieviča, udzielnika paŭstańnia 1863 hoda, sustreŭ Irynu Horavu, praŭnučku ruskaha aficera Juryja Horava, i pakachaŭ jaje. Pakručastyja ściažynki Klijo zvodziać čarhovy raz naščadkaŭ lutych vorahaŭ, jakija zmahalisia nie na žyćcio, ale na śmierć. Kachańnie naščadkaŭ zachilaje nianaviść minuŭščyny i daje nadzieju na lepšuju budučyniu.
Pasłuchać aŭdyjaknihu možna tut.
Kamientary