Parłamient ES čakaje vystupu ŭkrainskaha prezidenta.
Prezident Ukrainy Uładzimir Zialenski vystupić u parłamiencie Jeŭrasajuza ŭ Brusieli, kudy hetaj ranicaj jon vylecieŭ z Francyi razam z francuzskim prezidentam Emanuelem Makronam.
Nasyčany vizit Zialenskaha ŭ Jeŭrasajuz i Brytaniju pieraśleduje metu damahčysia ad partnioraŭ jašče bolšych pastavak uzbrajeńniaŭ Ukrainie.
Čakajecca, što ŭ svajoj pramovie Zialenski taksama zakranie temu pierśpiektyŭ najchutčejšaha ŭstupleńnia Ukrainy ŭ skład ES.
Napiaredadni prezident Ukrainy naviedaŭ Łondan, dzie sustreŭsia z premjer-ministram Vialikabrytanii Ryšy Sunakam, byŭ pryniaty karalom Karłam III i vystupiŭ pierad brytanskim parłamientam.
Pozna ŭviečary jon vylecieŭ u Paryž na pieramovy z prezidentam Francyi Emanuelem Makronam i niamieckim kancleram Ołafam Šolcam.
Dziasiatki krain ES u studzieni ŭchvalili čarhovy pakiet vajennaj dapamohi Kijevu, ale hałoŭnaj padziejaj stała zhoda Bierlina dać VSU niamieckija tanki Leopard 2.
Pieršaja partyja brytanskich ciažkich tankaŭ Challenger 2, jakija taksama ličacca adnymi z najlepšych u śviecie, pastupić va Ukrainu ŭ sakaviku, zapeŭniŭ Zialenskaha brytanski premjer.
Brytanija taksama hatovaja pačać navučańnie ŭkrainskich piłotaŭ kiravańniu źniščalnikami, jakija znachodziacca na ŭzbrajeńni NATA.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam40
Kamientary