U bližejšyja hadziny aficyjna budzie abvieščana ab vyzvaleńni bolš za 150 biełaruskich palitviaźniaŭ. Ab hetym Reform.news paviedamili niekalki krynic, znajomych ź situacyjaj.
Vyzvaleńnie ažyćciaŭlajecca ŭ ramkach polska-amierykanskaha pieramoŭnaha treka z režymam u Minsku. Vyzvalenych vypravadziać z terytoryi Biełarusi ŭ Polšču.
Jak raspaviali krynicy, u Minsku z pačatku tydnia znachodzicca namieśnik pamočnika dziaržsakratara pa Uschodniaj Jeŭropie Krys Śmit. Zatym da jaho dałučyŭsia śpiecpasłańnik prezidenta ZŠA pa Biełarusi Džon Koŭł. U čaćvier Koŭł sustrakaŭsia z Alaksandram Łukašenkam.
Pakul nieviadoma, chto znachodzicca ŭ śpisach vyzvalenych, ale amierykanski bok uličyŭ pažadańni polskaha boku, udakładnili krynicy.
Nahadajem, što 21 červienia ŭ vyniku vizitu ŭ Minsk amierykanskaj delehacyi byli vyzvalenyja 14 palitviaźniaŭ, 11 vieraśnia — 51 čałaviek.
Kamientary