Insajdar «Radyjo Svaboda»: Pakiet sankcyj nakont Biełarusi padvis, spračajucca adnosna kaliju
Novy pakiet sankcyj Jeŭrasajuza ŭ dačynieńni da Biełarusi da hetaha času nie pryniaty, pryčyna ŭ pytańni pasłableńnia abmiežavańniaŭ na pastaŭki biełaruskich kalijnych uhnajeńniaŭ. Pra heta paviedamiŭ karespandent «Radyjo Svaboda» ŭ Brusieli Rykard Joźviak.
«Apošni pakiet sankcyj ES suprać Biełarusi zastajecca biez zruchaŭ, u asnoŭnym z-za prapanavanych sastupak u dačynieńni da biełaruskich uhnajeńniaŭ. Ja nie čakaju praryvu na hetym tydni, — napisaŭ Joźviak u tvitary.
the EU's latest sanctions package on #Belarus should be agreed this week. the 10th sanction package on #Russia should be presented in about 2 weeks in order to be agreed by the 1st anniversary of the full-scale invasion of #Ukraine
— Rikard Jozwiak (@RikardJozwiak) January 30, 2023
Jon nie paviedamiŭ, jakija mienavita sastupki abmiarkoŭvajucca i chto vysunuŭ hetuju inicyjatyvu.
Raniej Joźviak pisaŭ, što novyja sankcyi ES suprać Biełarusi mieli namier uzhadnić u pačatku lutaha, a dziasiaty pakiet abmiežavańniaŭ u dačynieńni da Rasii — da pieršaj hadaviny poŭnamaštabnaha ŭvarvańnia va Ukrainu.
10 studzienia staršynia Jeŭrakamisii Ursuła fon der Lajen paviedamiła, što Jeŭrasajuz maje namier uvieści novyja sankcyi ŭ dačynieńni da Biełarusi za padtrymku rasijskaj ahresii suprać Ukrainy.
«My budziem akazvać cisk na Kreml stolki, kolki spatrebicca, z dapamohaj žorstkaha režymu sankcyj, i my raspaŭsiudzim hetyja sankcyi na tych, chto ŭ vajskovym dačynieńni padtrymlivaje vajnu Rasii, naprykład, jak Biełaruś ci Iran», — kazała fon der Lajen.
Apublikavanyja pieršyja padrabiaznaści 10-ha pakieta sankcyj ES suprać Maskvy
-
«Dudzia hladzieŭ? A Dudź — špijon». Biełarusy raskazali, jak ciapier prachodziać pravierki telefonaŭ i apytańni na miažy
-
«Mnie litoŭcy skazali nie śviacicca, tamu što śpiecsłužby šukajuć, jak padabracca». Franak Viačorka pra pahrozy
-
U Barysavie vydzialajuć bolš čym miljon dalaraŭ na «adradžeńnie jaŭrejskich tradycyj»
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary