«Patrabavali na videa razarvać partret Cichanoŭskaj». Padrabiaznaści abłavy ŭ Śvietłahorsku
Na pačatku tydnia ŭ Śvietłahorsku prajšli vobšuki i zatrymańni. Ciapier stali viadomyja niekatoryja detali.
Haradžan kašmaryli na praciahu dvuch dzion, raskazvajuć homielskija pravaabaroncy. Pavodle śviedčańniaŭ, naziraŭsia ruch niemiascovych mikraaŭtobusaŭ ad budynka KDB da RAUS i potym pa horadzie;
paviedamlajecca pra vypadki, kali dla vobšuku ŭ kvatery vybivali dźviery, mužčyn pry zatrymańni źbivali, a kala budaŭničaha tresta №20 zatrymali čałavieka ź vidavočnaj invalidnaściu (padobna, ź sindromam Dauna), pry hetym jaho źbili z noh udarami ŭ žyvot, zatym dastavili ŭ RAUS i źmiaścili ŭ IČU.
Ahułam, pavodle nieŭdakładnienych źviestak, byli zatrymanyja 17 čałaviek. Zatrymanych pieravozili i vadzili pa RAUS u kajdankach. Častka ludziej — Taćciana Žuraŭskaja, Anatol Źmitrovič, Pavieł Chałunin i inšyja — byli źmieščanyja ŭ izalatar časovaha ŭtrymańnia, niekatoryja — naprykład, Ludmiła Samburava i Rusłan Šaplakoŭ — adpuščanyja da suda. Viktoryja Šatrova, u jakoj paśla zatrymańnia ŭ RAUS značna pahoršyłasia samaadčuvańnie, była adviezienaja ŭ balnicu i špitalizavanaja.
U nastupnyja dni sudom Śvietłahorskaha rajona byli nakładzienyja aryšty i štrafy pa administracyjnych spravach. Tak, Dźmitryj Žuraŭloŭ aryštavany na 15 sutak, Alaksandr Mosar — na 10 sutak (jon zajaviŭ, što hrošaj u jaho niama i štraf płacić niama čym). Štraf u 20 bazavych vieličyń pavinna spłacić Žuraŭskaja (staršynia respublikanskaha hramadskaha abjadnańnia sacyjalnaj nakiravanaści «Ludzi plus»), 10 bazavych vieličyń — Źmitrovič (u minułym aktyvist pradprymalnickaha ruchu).
Štraf u 10 bazavych vieličyń vypisali piensijaniercy, byłomu ekołahu Hańnie Somavaj. U jaje płanšecie znajšli padpisku na «ekstremisckija» kanały. Da suda žančynu pratrymali ŭ IČU kala troch sutak, jakija zapisali jak zatrymańnie na 72 hadziny pa kryminalnaj spravie. Razam ź joj u kamiery znachodzilisia jašče troje haradžanak, źmieščanych tudy ŭ vyniku hetych ža zatrymańniaŭ.
Ad Somavaj zapatrabavali pad videazapis razarvać partrety Śviatłany Cichanoŭskaj i jaje muža Siarhieja Cichanoŭskaha.
Spahnańni sudom nakładalisia pavodle artykuła 19.11 Kodeksa ab administratyŭnych pravaparušeńniach — raspaŭsiudžvańnie «ekstremisckich materyjałaŭ».
Vobšuki i ahlady pravodzilisia jašče ŭ šerahu žycharoŭ horada, ale ŭ ich nie znajšli ničoha, što stała b pryčynaj zatrymańnia.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary