Šeść paciarpiełych u avaryi pad Smalavičami znachodziacca ŭ ciažkim stanie
Šeść paciarpiełych u avaryi pad Smalavičami znachodziacca ŭ ciažkim stanie, jašče troje atrymali traŭmy siaredniaj ciažkaści. Pra heta raskazaŭ ministr achovy zdaroŭja Dźmitryj Pinievič.
«Ciapier idzie baraćba za žyćcio ŭsich dzieviaci pacyjentaŭ», — kaža jon. Čakajecca, što «paśla stabilizacyi stanu» čatyroch paciarpiełych u avaryi mohuć pieravieźci ŭ abłasnuju balnicu.
U paniadziełak kala 15-j hadziny ŭ Smalavickim rajonie adbyłosia łabavoje sutyknieńnie hruzavika MAZ i maršrutnaha taksi. U avaryi zahinuła 11 čałaviek — kiroŭca maršrutki i 10 pasažyraŭ (siarod ich — dzicia). U smalavickuju centralnuju rajonnuju balnicu pryvieźli dzieviać čałaviek.
Na dapamohu miascovym lekaram u Smalavičy pryjechali śpiecyjalisty ź Minska, u tym liku bryhada traŭmatołahaŭ. Sa svajakami paciarpiełych u balnicy pracuje psichołah.
Kryminalnuju spravu raspačali pa artykule «parušeńnie praviłaŭ darožnaha ruchu, što paciahnuła pa nieaściarožnaści śmierć dźviuch i bolš asob».
Kamientary