Hruzinskaje MZS asudziła sustreču Łukašenki i Bžanii, ale nazvała Łukašenku prezidentam
Ministerstva zamiežnych spraŭ Hruzii prakamientavała sustreču Alaksandra Łukašenki i kiraŭnika niepryznanaj Abchazii Asłana Bžanii ŭ Minsku 21 lutaha. Hruzinskaje MZS prahnazavana asudziła sustreču i zaklikała Biełaruś pavažać terytaryjalnuju cełasnaść i suvierenitet Hruzii. Ale lehitymnaść Łukašenki pad sumnieŭ nie stavić, nazyvajučy jaho prezidentam.
«Ministerstva zamiežnych spraŭ Hruzii asudžaje sustreču prezidenta Respubliki Biełaruś z pradstaŭnikami akupacyjnaha režymu.
Zhadanaje dziejańnie hruba parušaje suvierenitet i terytaryjalnuju cełasnaść Hruzii ŭ hranicach mižnarodna pryznanych miež i ŭjaŭlaje saboj sprobu lehitymizavać rasijski akupacyjny režym.
Zaklikajem Biełaruś pavažać suvierenitet i terytaryjalnuju cełasnaść Hruzii ŭ mižnarodna pryznanych miežach, spynić dziejańni, jakija supiarečać asnovatvornym pryncypam i normam mižnarodnaha prava», — havorycca ŭ zajavie hruzinskaha MZS.
Hruzija de fakta nie kantraluje terytoryju Abchazii amal 30 hadoŭ, z 1993 hoda. Ale pavodle mižnarodnaha prava, heta biassprečna jaje dziaržaŭnaja terytoryja. U 2008 hodzie Rasija aficyjna pryznała niezaležnaść Abchazii (razam z Paŭdniovaj Asiecijaj), ale za jaje prykładam dahetul pajšli tolki niekalki krain, prytym, jak praviła, vielmi hieahrafična addalenych i małaŭpłyvovych u śviecie i rehijonie.
Čytajcie taksama:
Biełarusam dazvolili daŭžej znachodzicca ŭ niepryznanaj Abchazii
Alaksandr Łukašenka pryniaŭ prezidenta Abchazii jak nie roŭnaha sabie pa ranhu FOTAFAKT
Kiraŭnik niepryznanaj Abchazii pryjechaŭ da Łukašenki
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary
Ale bajusia, heta nie apošni zaškvar ad partyi Bidizny i jaho paplečnikaŭ.
Sumna za Hruziju zaraz