U Ekvadory adkryli novuju žabu z ružovymi vačyma. Jaje nazvali ŭ honar Džona Tołkina
U harach Ekvadora znajšli novy vid žab. U ich niezvyčajnaja afarboŭka: bledna-ružovyja vočy i palcy z załatymi krapinkami. Zaołaham zdałosia, što amfibija byccam by prybyła ź Mižziemja. Tamu jaje i nazvali Hyloscirtus tolkieni — u honar piśmieńnika Džona Tołkina, aŭtara «Uładara piarścionkaŭ».

Daŭžynia žaby — 6,5 santymietra. U jaje załacista-žoŭtaje horła, žyvot, baki i nižni bok łapak. Palcy žyvioliny pakrytyja čornymi plamkami i šyrokimi pałosami.
Znajšli žyviołu ŭ Nacyjanalnym parku Rya-Niehra-Sopładora ŭ małavyvučanym rajonie, u ekasistemie alpijskaj tundry.
Žaba Hyloscirtus tolkieni žyvie ŭ hornych rekach i ručajach Andaŭ. Apałoniki rastuć na parohach la skałaŭ, a darosłyja ziemnavodnyja žyvuć u raślinnaści na bierazie.
Kamientary