Vyjšła nastolnaja hulnia «Tutejšyja» sa znakamitymi biełarusami
U Biełarusi źjaviłasia biełaruskamoŭnaja nastołka ab vialikich suajčyńnikach «Tuejšyja». Jana stvoranaja ŭ kałabaracyi brenda OZ i studyi raspracoŭki nastolnych hulniaŭ «Kubik» z Hrodna, paviedamlaje CityDog.io.
U hulni pradstaŭlenyja kartki z vyjavami vybitnych biełaruskich dziejačaŭ, takich jak mastak Mark Šahał, litaratar Uładzimir Karatkievič, kniahinia Anastasija Słuckaja i mnohija inšyja. Z takoj nastolnaj hulnioj možna viesieła bavić čas i daviedacca pra viadomych ludziej, jakija zrabili svoj uniosak u raźvićcio krainy.
Ujavicie, što miežy času ścierlisia, i vybitnyja biełarusy roznych časoŭ apynulisia ŭ XXI stahodździ. Ciapier kožny hulec pavinien vybrać svajho piersanaža i adkazvać na niezvyčajnyja pytańni, naprykład: «Što b raskazała Bona Sforca ŭ intervju dla hlancavaha časopisa?», «Jaki prynt byŭ by na cišotcy ŭ Vitaŭta?», «Što b rabiła Viera Charužaja padčas zombi-apakalipsisu?». Treba zrazumieć, jakoha dziejača abrali vašy sapierniki, a jany pavinny adhadać, chto vy. Vyjhraje pieršy, chto znojdzie svajho dvajnika.
Pažadany ŭzrost udzielnikaŭ hulni — ad 14 hadoŭ, ale strohich abmiežavańniaŭ niama. Hulać adnačasova mohuć ad 2 da 6 čałaviek. Praciahłaść — 30-45 chvilin, u zaležnaści ad padrychtavanaści ŭdzielnikaŭ.
U kamplekt uvachodziać:
- 50 kartak ź viadomymi biełarusami;
- 25 kartak z pytańniami;
- 12 kartaŭ vybaru;
- brašura z karotkimi bijahrafijami;
- kartki «tak» i «nie»;
- kartki łajkaŭ;
- praviły hulni.
Nabyć nastołku sabie ci ŭ padarunak možna ŭ firmovych kramach sietki, praz mabilnuju prahramu OZ albo na sajcie OZ.by.
Čytajcie taksama:
Ich 20 hadzin lepšyja, čym 40 hadzin mnohich. Čamu maci — vydatnyja supracoŭnicy
«Chaču schadzić u morh i pabačyć čałavieka znutry». Pahladzicie, jakija strašna pryhožyja maski z papje-maše stvaraje hetaja minčanka
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku57
Kamientary
(jak i jaje baćka Rahvałod) - heta prosta ržunimahu!