U handlovym centry «Sakret» u Homieli, dzie była pryznačanaja sustreča «PVK Rodan», prachodziać žorstkija zatrymańni niepaŭnaletnich, paviedamlaje vydańnie «Fłahštok».
Ad udzielnika sustrečy «Fłahštoku» stała viadoma pra zatrymańnie jak minimum troch čałaviek. Na vychadzie z handlovaha centra milicyja ŭžyvała humovyja dubinki:
«Baču, iduć 6 milicyjantaŭ i 3 kiežyki [hopniki], nakačanyja takija 16-hadovyja chłopcy, ich pačali dubasić, potym paviazali».
Na ŭvachodzie ŭ HC «Sakret» znachodzicca AMAP i hrupy moładzi. Milicyja praviaraje ŭ maładzionaŭ telefony: «Praviarajuć halerei, kali tam usio čysta — adpuskajuć».
Kamunikacyja ŭ čacie, pryśviečanym schodu «Rodana», pry hetym supravadžajecca iłžyvymi paviedamleńniami nakštałt «čamu nikoha niama?», «niama tut nijakaj milicyi». Adzin z akauntaŭ u paćviardžeńnie navat vykładvaŭ videa z handlovaha centra, raźmieščanaha nie ŭ Homieli, jak dokaz taho, što sustreča biaśpiečnaja.
Čytajcie taksama:
«PVK Rodan» užo ŭ Minsku. Płanujuć sustreču na Kamiennaj Horcy
U Homieli i Mahilovie adnamomantna źjavilisia pabliki niebiaśpiečnaj moładzievaj subkultury «PVK Rjodan»
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary