Siońnia spaŭniajecca 80 hadoŭ kiraŭniku Skarynaŭskaj biblijateki ŭ Londanie a. Alaksandru Nadsanu
Siońnia (8 žniŭnia) spaŭniajecca 80 hadoŭ a. Alaksandru Nadsanu – kiraŭniku Biełaruskaj biblijateki-muzeja imia Franciška Skaryny ŭ Londanie, apostalskamu vizytataru dla biełarusaŭ katalikoŭ zamiežža, aŭtarytetnamu i hruntoŭnamu navukoŭcu.
Ajciec Alaksandar pryjšoŭ na śviet 8 žniŭnia 1926 h. u zachodniebiełaruskim miastečku Haradzieja – siońnia heta Niaśviski rajon Mienskaj vobłaści. Uviesnu 1944 h. jon skončyŭ Niaśviskuju nastaŭnickuju seminaryju, a praź niekalki tydniaŭ razam z kursantami Mienskaj aficerskaj škoły BKA vymušany byŭ pakinuć radzimu. Z vosieni 1944 h. vajavaŭ u składzie 2-ha Polskaha korpusu brytanskich uzbrojenych sił.
U 1946 h. žaŭniery korpusu byli evakujavanyja z Apeninaŭ u Brytaniju, dzie sp. Alaksandar spryčyniŭsia da stvareńnia hałoŭnaj nacyjanalnaj arhanizacyi – Zhurtavańnia biełarusaŭ u Vialikabrytynii. Jon navat ciaham dvuch terminaŭ byŭ staršyniom ZBVB (1951–1953). U 1953 h., paśla taho jak skončyŭ matematyčny fakultet Londanskaha ŭniversytetu, vyjechaŭ u Rym, dzie skončyŭ lehiendarnuju Hreckuju kalehiju (duchoŭnuju seminaryju dla katalikoŭ uschodniaha abradu).
23 listapada 1958 h. a Alaksandar Nadsan pryniaŭ śviatarskija paśviačeńni, a ŭ lipieni 1959 h. viarnuŭsia ŭ Londan – «słužyć tut svajmu narodu». I hetaja słužba praciahvajecca ŭžo 47 hadoŭ.
Supracoŭniki «Našaj Nivy» ad usiaho serca vinšujuć a. Alaksandra z dniom narodzinaŭ.
Ciapier čytajuć
Pieršaha sakratara pasolstva Biełarusi ŭ ZŠA pasadzili za palityku1
Kamientary