Hałoŭčanka vypramieńvaje aptymizm: sankcyi akazvajuć pramy błakujučy ŭpłyŭ tolki na 25% ekanomiki Biełarusi
Premjer-ministr Raman Hałoŭčanka 11 sakavika ŭ prahramie «Vopros nomier odin» na telekanale «Biełaruś 1» raskazaŭ pra toje, jak ciapier pačuvaje siabie biełaruskaja ekanomika. Pavodle jaho słoŭ, «pramy błakujučy ŭpłyŭ» abmiežavalnyja miery akazvajuć na 25% biełaruskaj ekanomiki, astatniaja znachodzicca «pad uskosnym uździejańniem sankcyj».
I choć haliny, jakija trapili «pad samyja žorstkija sankcyi», praciahvajuć adčuvać «peŭnyja ciažkaści», tym nie mienš Hałoŭčanka nie tracić aptymizmu:
«Navat nie ceły hod, a, napeŭna, dzieviać-dziesiać miesiacaŭ było adviedziena na toje, kab my razrulili asnoŭnyja pytańni i nie dazvolili spraŭdzicca tym prahnozam, jakija davali aŭtarytetnyja mižnarodnyja arhanizacyi ź vialikim štatam admysłoŭcaŭ, što mohuć analizavać usio na śviecie, — skazaŭ čynoŭnik. — Hetyja štaty admysłoŭcaŭ, jak vy pamiatajecie, nam naprahnazavali: samaje piesimistyčnaje — 20% padzieńnia [ekanomiki], samaje aptymistyčnaje — 8%. Dziakuj bohu, my spracavali lepš, čym samy aptymistyčny [scenaryj]».
Pavodle słoŭ Hałoŭčanki, «ekanomika ŭ cełym spraŭlałasia z tymi vyklikami, jakija joj byli padkinutyja letaś». A finansavyja vyniki ŭvohule cudoŭnyja:
«Bo ŭ nas rentabielnaść prodažu pa ekanomicy, zdajecca, 8,9% — rekord za dziesiać hadoŭ. Tak, dapamahli vysokija suśvietnyja ceny. Ale tolki dapamahli, usio astatniaje zrabili sami našy ludzi i našy pradpryjemstvy. U nas histaryčna lepšaje salda źniešniaha handlu, napeŭna, heta taksama niadrenny vynik u hetych umovach, nichto takoha nie čakaŭ».
Pavysiŭsia, pavodle słoŭ Hałoŭčanki, i apieracyjny dachod u pradpryjemstvaŭ, źniziłasia i sumarnaja padatkovaja nahruzka na 50%, i «heta adzin z najlepšych pakazčykaŭ za ŭsie hady».
U 2022 hodzie VUP Biełarusi źniziŭsia na 4,7%. Na 2023-i pryrost hetaha pakazčyka zapłanavany na ŭzroŭni 3,8%.
Ciapier čytajuć
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki9
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary