U Homieli mužčyna teraryzavaŭ siamju žančyny, jakaja admoviła jamu
Mužčyna hadami trymaŭ u strachu siamju žančyny, jakaja nie zachacieła ź im sustrakacca. Jon psavaŭ pravady ŭ elektraličylniku, łamaŭ dźviarnyja zamki, a zatym staŭ pahražać padpałam. Listy i zvanki z takimi pahrozami žančyna i jaje pažyłyja baćki atrymlivali minimum raz u miesiac, dvojčy dźviery ich kvatery ablivali haručaj vadkaściu, piša «Biełka».
Usio pačałosia ŭ 2013 hodzie, kali žycharku Savieckaha rajona Homiela znajšoŭ u sacyjalnych sietkach jaje były adnakłaśnik. Pamiž imi zaviazałasia pryjacielskaja pierapiska, jakoj žančyna nie nadavała značeńnia. Adnak surazmoviec staŭ prajaŭlać da jaje cikavaść, patrabavać sustreč, a ŭ dzień jaje naradžeńnia zajaviŭsia ŭ hości biez zaprašeńnia.
Haspadynia vyhaniać jaho nie stała ź vietlivaści, ale paśla hetaha vypadku spyniła ź im usiakija znosiny. Abvinavačany ž vyrašyŭ, što «niaviestu» ad jaho chavajuć baćki, a značyć, kachańnia treba damahacca.
Niekalki razoŭ mužčyna psavaŭ pravady ŭ elektraličylniku kvatery, dzie žyła jaho kachanaja, dvojčy vyvodziŭ z ładu dźviarny zamok i stolki ž ablivaŭ dźviery haručaj vadkaściu.
Paralelna z bytavym škodnictvam mužčyna zajmaŭsia psichałahičnym teroram: dajmaŭ jaje sastarełych baćkoŭ zvankami i listami, u jakich raskryvaŭ padrabiaznaści budučych niepryjemnaściaŭ.
Pažyłyja ludzi pra kožny taki fakt paviedamlali ŭ milicyju, adnak biezvynikova. Pryciahnuć mužčynu da kryminalnaj adkaznaści ŭdałosia tolki letam 2022 hoda, kali jon padpaliŭ kvateru.
— Ad dačy pakazańniaŭ mužčyna admoviŭsia, svaju vinu nie pryznaŭ, adnak jana całkam paćviardžajecca sukupnaściu dokazaŭ. Jamu pryznačana pakarańnie ŭ vyhladzie piaci hadoŭ pazbaŭleńnia voli ŭ kałonii ŭzmocnienaha režymu. Taksama jon abaviazany kampiensavać maralnuju škodu paciarpiełym: žančynie — adnu tysiaču rubloŭ, kožnamu ź jaje baćkoŭ — pa piać tysiač, — raspaviali vydańniu ŭ prakuratury Homiela.
Kamientary