Jak ludzi padpisvajucca za Hod rodnaj movy ŭ stalicy i ŭ rehijonach.
Jak ludzi padpisvajucca za Hod rodnaj movy ŭ stalicy i ŭ rehijonach.
Volaj losu daviałosia nazirać za zboram podpisaŭ za praviadzieńnie Hodu rodnaj movy, arhanizavanaha MHA «ZBS «Baćkaŭščyna». Sprava adbyvałasia ŭ Biełaaziorsku, što ŭ Biarozaŭskim rajonie. Podpisy źbiralisia siarod miascovych pradprymalnikaŭ. Bolšaść pastaviłasia da idei surjozna i pazityŭna. «Sami my nie razmaŭlajem, a voś dzieci musiać viedać svaju movu. Moža ŭ ich atrymajecca», — kaža maładaja pradprymalnica. Dumku pra nieabchodnaść navučańnia pa-biełarusku nie tolki ŭ škole, ale i ŭ VNU padtrymali amal usie padpisanty. Tolki adna handlarka naadrez admoviłasia pastavić podpis: «Heta što — ja budu paśla dakumienty pa-biełarusku afarmlać? A jak dzieci paśla matematyku buduć vučyć va ŭniviersitecie?»
Z razmovy ź niekatorymi padpisantami stała zrazumieła, što na ich staŭleńnie da movy paŭpłyvaŭ… Łukašenka. Nu, kali sam Alaksandr Ryhoravič na pierapisie rodnaj movaj biełaruskuju nazvaŭ, to nam i pahatoŭ treba padpisacca, kažuć jany.
A voś u Minsku daviałosia sutyknucca ź niečakanaściu. Dla niekatorych minčukoŭ proźvišča kiraŭnika krainy stała niepieraadolnaj pieraškodaj. «Ideja dobraja, ale nie budu ja Łukašenku ni ab čym prasić!»
Heta pryviało da cikavaj vysnovy:
časam niezaanhažavanyja ŭ palityku hramadzianie, jakija ŭ žyćci nie razmaŭlajuć pa-biełarusku, achvotniej padpisvajucca za Hod rodnaj movy, čym jaje stałyja nośbity.
A voś što raspaviała pra chadu kampanii staršynia ZBS «Baćkaŭščyna» Alena Makoŭskaja. Zbor podpisaŭ adbyvajecca na siadzibie TBM, ofisie «Baćkaŭščyny», u časie kulturnickich mierapryjemstvaŭ. Adpaviednyja ankiety razdajucca ŭ niezaležnickija arhanizacyi i vałancioram. Akramia taho, ankietu možna spampavać sa staronki sajtu «Baćkaŭščyny», ź inšych sajtaŭ, što raźmiaścili ŭ siabie baniery akcyi. Ahułam praź Sieciva było spampavana kala 400 błankaŭ. «U banernaj kampanii, dzie my zamovili svoj baner z zaklikam dałučacca da kampanii, nam paviedamili, što ŭ nas byŭ adzin z samych vysokich pakazčykaŭ efiektyŭnaści za apošni čas», — kaža Alena Makoŭskaja. Cikavaść da kampanii vialikaja, ludzi staviacca da idei pazityŭna. Inicyjatyvu padtrymali rehijony, naprykład, u Viciebsku, dzie zbor podpisaŭ idzie aŭtanomna ad centru.
***
Zhurtavańnie biełarusaŭ śvietu «Baćkaŭščyna» i Tavarystva biełaruskaj movy imia Franciška Skaryny raspačali z 14 kastryčnika 2009 hoda kampaniju pa zbory podpisaŭ za abviaščeńnie nastupnaha hoda Hodam rodnaj movy. Hetaja inicyjatyva była ahučana na niadaŭnim Piatym źjeździe biełarusaŭ śvietu i padtrymana Radaj Tavarystva biełaruskaj movy. I «Baćkaŭščyna», i TBM užo nakiravali zvaroty da Alaksandra Łukašenki z tym, kab adpaviedny ŭkaz byŭ vydadzieny. A ciapier zaklikajuć hramadzian Biełarusi padtrymać hetuju inicyjatyvu.
U padtrymku movy siońnia vystupaje taksama moładzievaja arhanizacyja «Małady front». U ramkach hramadskaj kampanii «Za biełaruskuju movu!» «MF» prezientavaŭ admysłovy sajt — mova.mfront.net. Asnoŭnym srodkam realizacyi kampanii, havorycca na sajcie, źjaŭlacca zbor podpisaŭ pad zvarotam u dziaržaŭnyja instytuty ŭłady z patrabavańniami zabiaśpiečyć faktyčnuju roŭnaść biełaruskaj movie z rasijskaj.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary