«Biełaruśkalij» padaŭ u sud na niamiecki kancern Siemens Energy
Biełaruskija kalijščyki patrabujuć ad niemcaŭ zaviaršyć servisnaje absłuhoŭvańnie hazaturbinnaha ruchavika i zatym viarnuć jaho ŭ Salihorsk.
Cudovyja razbory pavodle isku «Biełaruśkalija» da zarehistravanaj u Rasii kampanii «Naftahaz i enierhietyka» (100% dački Siemens Energy) startujuć 7 krasavika ŭ Arbitražnym sudzie Maskvy, piša Office Life.
Košt pradmieta sprečki, na jaki pretenduje «Biełaruśkalij», spasyłajučysia na ŭmovy damovy ad krasavika 2021 hoda, — £2,1 młn ($2,6 młn).
Zhodna z materyjałami spravy, isk byŭ nakiravany ŭ sud u kancy 2022-ha i tady ž byŭ pryniaty da razhladu. U lutym 2023 hoda adbyłosia papiaredniaje pasiadžeńnie, na jakim sudździa zapytaŭ ad biełaruskaha boku aryhinały dakumientaŭ ab tym, što ruchavik znachodzicca ŭ adkazčyka, i dakumienty pa jaho košcie, a ad niemcaŭ pry niazhodzie z danymi istca — svoj kontrraźlik. Istca i adkazčyka jašče raz zaklikali vyrašyć sprečku šlacham zaklučeńnia miravoha pahadnieńnia.
Niamiecki kancern Siemens, jaki źjaŭlajecca adnym z akcyjanieraŭ Siemens Energy, viasnoj minułaha hoda zajaviŭ, što spyniaje pastaŭki na rynki Biełarusi i Rasii i całkam sychodzić z apošniaha. U kancy 2022 hoda pačałasia likvidacyja «dački» Siemens Energy ŭ Biełarusi — kampanii «Simiens Enierhietyka». Ale ŭ studzieni 2023-ha hetaja firma razam z sotniami inšych zamiežnych kampanij papoŭniła śpis aktyvaŭ, zabaronienych da adčužeńnia.
Čytać taksama:
Zialenski ŭvioŭ sankcyi suprać «Biełaruśkalija» i «Biełhazprambanka»
Abjomy zdabyčy na «Biełaruśkalii» ŭ 2022 hodzie źmienšylisia na 60%
Ciapier čytajuć
Źjaviłasia jašče adno FOTA Mikoły Statkieviča paśla vyzvaleńnia1
Kamientary
Atviečajcie nam, a to,
Kali vy nie atzaviocieś,
My napišam u Spartłato."