Z-za čerhaŭ na polskaj miažy ŭładalniki pieršačarhovych propuskaŭ nie mohuć imi skarystacca
Uładalniki pieršačarhovych propuskaŭ časova buduć zajazdžać na pamiežny pierachod «Kazłovičy — Kukuryki» pa žyvoj čarzie, paviedamiŭ Dziaržpahrankamitet Biełarusi.
Pryčynaj takoj miery nazyvajecca vialikaja kolkaść fur na biełaruska-polskaj miažy.
«Da skasavańnia časovych abmiežavańniaŭ uładalniki hetych propuskaŭ pavinny zajazdžać na punkt propusku ŭ paradku ahulnaj čarhi», — padkreślili ŭ Kamitecie.
Paśla admieny abmiežavańniaŭ propuski znoŭ zapracujuć, a termin ich dziejańnia praciahnuć na toj čas, pakul pracavała opcyja «tolki žyvaja čarha».
Prablemy z čerhami na miažy ŭtvarylisia paśla rašeńnia polskaha ŭrada ab zakryćci pamiežnaha pierachoda ŭ Babroŭnikach paśla vyniasieńnia ŭ Biełarusi žorstkaha prysudu žurnalistu i polskamu aktyvistu Andreju Pačobutu. Paśla taho dla hruzavoha transpartu na biełaruska-polskaj miažy zastaŭsia tolki adzin pierachod pamiž Kazłovičami i Kukurykami.
3 krasavika na miežach Biełarusi i JEZ usiaho stajała 2190 fur. U Kazłovičach pa danych na hetaje ž čysło stajała zvyš 800 hruzavych mašyn, takaja ž kolkaść zastajecca i ciapier.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary