Zajaviŭ staršynia Kamiteta pa achovie zdaroŭja Minharvykankama Dźmitry Pinievič padčas onłajna na sajcie Biełteleradyjokampanii. Ułady praciahvajuć pa kropli raskryvać realny stan spravaŭ z hrypam.
Pra heta paviedamiŭ staršynia Kamiteta pa achovie zdaroŭja Minharvykankama Dźmitry Pinievič padčas onłajn-kanfierencyi na sajcie Biełteleradyjokampanii. Kolkaść pamierłych jon admoviŭsia nazvać, zaznačyŭšy, što va ŭsich krainach – da socień pamierłych padčas epidemii.
«U balnicach Minska u nas znachodzicca chvorych na pnieŭmaniju krychu bolš za 1 100 [paźniej Dz.Pinievič skazaŭ, što ŭsiaho byli špitalizavanyja - 1 266 čałaviek ź pnieŭmanijaj, 166 byli vypisanyja], pa krainie situacyjaj nie vałodaju [4 listapada hałoŭny sanitarny lekar Valancina Kačan nazyvała ličbu ŭ 2 154 zachvarełyja pa ŭsioj krainie]. Kolkaść pamierłych ad pnieŭmanii nazyvałasia.
Na žal, jano pavialičvajecca.
Ja nijakim čynam nie spraščaju situacyju, skažu – pnieŭmanii dastatkova šmat, heta adna z asablivaściej epidsituacyi.
Ja chaču skazać, što ŭsie krainy śvietu pakazvajuć da sotni pamierłych va ŭmovach virusnaj infiekcyi.
Cierpiać pieradusim ludzi, što majuć zachvorvańni, a taksama tyja, chto pieranios apieracyjnyja ŭmiašalnictvy, ale, na žal, u nas jość straty siarod maładych ludziej. Heta adzin ź niepryjemnych momantaŭ hetaj epidemičnaj situacyi».
Dźmitry Pinievič taksama zaznačyŭ, što ad pačatku rehistracyi epidemičnaha padjomu (za dva tydni)
u Minsku pierachvareli 108 tys. žycharoŭ stalicy, pik zvarotaŭ u balnicy pryjšoŭsia na paniadziełak 2 listapada – 34 tys.,
za apošnija try dni zachvareli 48 tys., što dazvoliła ad piatnicy ŭvieści kompleks supraćepidemičnych mierapryjemstvaŭ, prykładam, pa 11 listapada padoŭžany školnyja kanikuły.
Ale siońniašniaja epidemija, pavodle čynoŭnika, niecharakternaja. Dzieci joj najmienš padvieržanyja. Zvyčajna, pavodle słovaŭ Dz. Pinieviča, heta 50 na 50 darosłaha i dziciačaha nasielnictva. Ciapier chvorych siarod dziaciej – 30%.
Taksama Dźmitry Pinievič zaznačyŭ, što siońniašni virus niebiaśpiečny tym, što možna zachvareć niekalki razoŭ, bo pryjšła epidemija «mikst»: miašanaj infiekcyjaj.
Heta značyć, što vylečyŭšysia ad virusu hrupy «A» , možna padchapić virus hrupy «V».
Dźmitry Pinievič paraiŭ rabić pryščepki, bo «pryščepka daje dosyć vysokuju harantyju», a novy pik epidemii moža zdarycca ŭ kancy śniežnia.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary