«Na jaho i dziaŭčaty buduć pa-inšamu hladzieć». Valfovič choča pačać pryzyvać i studentaŭ
Dziaržsakratar Rady biaśpieki Alaksandr Valfovič uziaŭ udzieł u naradzie z kiraŭnikami VNU ŭ Ministerstvie adukacyi. Padčas hetaha mierapryjemstva jon vykazaŭ ideju, ad jakoj studenty napružacca.
«Chacieŭ by zadać niekatoryja pytańni rektaram. Viadoma, adrazu nie budu čakać ad ich adkazu. Dam im čas dla taho, kab jany heta abdumali i padali ŭ vyhladzie svaich mierkavańniaŭ, prapanoŭ u Dziaržaŭny sakrataryjat Rady biaśpieki», — pačaŭ svaju pramovu Valfovič i paśla vykłaŭ sutnaść svajho prajekta.
«Jak vučyć studentaŭ na vajskovych kafiedrach, jak naohuł jany hladziać i staviacca da taho, kab studentaŭ pryzyvać va Uzbrojenyja Siły, jak heta było kaliści ŭ Savieckim Sajuzie. Bo ŭsio novaje — heta dobra zabytaje staroje», — padkreśliŭ Alaksandr Valfovič.
Na jahonuju dumku:
«Małady čałaviek, jaki pastupiŭ u vyšejšuju navučalnuju ŭstanovu, a potym pajšoŭ słužyć, hod adsłužyŭ i viarnuŭsia na druhi-treci kurs stałym — na jaho i dziaŭčaty buduć pa-inšamu hladzieć. I jon pa-inšamu asensuje toje, dla čaho jon naohuł pastupiŭ u vyšejšuju navučalnuju ŭstanovu.
I ŭžo na vajskovych kafiedrach možna pamienšyć kolkaść hadzin dla navučańnia dalej. Chtości ŭžo śviadoma pastupić na vajskovuju kafiedru, a chtości paličyć, što heta jamu nie treba, pasłužyŭšy ŭ vojsku».
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY4
Kamientary