Jeŭrakantrol sprahnazavaŭ, kolki budzie zakrytaje nieba nad Biełaruśsiu
Jeŭrapiejskaja arhanizacyja pa biaśpiecy pavietranaj navihacyi (Jeŭrakantrol) padrychtavała dakład, u jakim utrymlivajecca prahnoz pa halinie na 2023-2029 hady. Adznačajecca, što heta abnoŭlenaja viersija dakłada, apublikavanaha vosieńniu 2022 hoda.
U im praanalizavany stan haliny paśla pandemii i z ulikam rasijskaha napadu na Ukrainu.
Śpiecyjalisty kanstatujuć, što avijacyjnaja halina dahetul nie adnaviłasia paśla pandemii karanavirusa. U pryvatnaści, adznačajecca, što kolkaść rejsaŭ dapandemijnaha 2019 hoda moža być dasiahnutaja tolki da 2025 hoda. Paśla čaho, uličvajučy ryzyku vysokaj inflacyi, rostu cen na naftu, ekałahičnyja prablemy, ekśpierty schilnyja prahnazavać niekatoruju stahnacyju.
Adzin z faktaraŭ, jakija ŭpłyvajuć na stan haliny, — zakryćcio dla palotaŭ pavietranych prastor Biełarusi, Małdovy, Rasii i Ukrainy.
Ekśpierty zychodziać z taho, što jano zastaniecca takim da kanca pieryjadu, na jaki jany skłali prahnoz, — heta značyć, da 2029 hoda.
Na najbližejšyja dva hady ŭ cełym ekśpierty prahnazujuć ahulnaje paharšeńnie ekanamičnaj situacyi, źnižeńnie VUP. Čakajecca, što rost cen na enierhanośbity i koštu žyćcia ŭ cełym paŭpłyvaje na popyt na paloty, a niedachop piersanału — na prapusknuju zdolnaść avijakampanij i aeraportaŭ, asabliva pry vysokim popycie (leta).
U davažak da pandemii karanavirusa nieba nad Biełaruśsiu było zakrytaje paśla prymusovaj pasadki samalota Ryanair u Minsku 23 maja 2021 hoda, kali byli zatrymanyja Raman Pratasievič i Safija Sapieha.
ES asudziŭ taki krok i ŭvioŭ abmiežavańni dla palotaŭ jeŭrapiejskich avijakampanij nad Biełaruśsiu, taksama biełaruskim avijapieravozčykam zabaranili vykarystoŭvać pavietranuju prastoru nad Jeŭropaj i pryziamlacca ŭ jeŭrapiejskich aeraportach.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary