Były prezident zdaŭsia ŭładam ZŠA. Jaho čakaje ekstradycyja na radzimu
77-hadovy były prezident Pieru Alechandra Taleda abvinavačvajecca ŭ atrymańni chabaraŭ u pamiery 20 miljonaŭ dalaraŭ ad brazilskaj budaŭničaj kampanii, kali jon zajmaŭ svaju pasadu z 2001 pa 2006 hod.
Niekalki hadoŭ tamu jon źbieh u ZŠA, ale byŭ aryštavany amierykanskimi ŭładami pa zapycie Pieru, paviedamlaje Bi-bi-si.
Były prezident admaŭlaje vymahalnictva abo atrymańnie chabaraŭ.
Pieruanskija ŭłady śćviardžali, što Taleda atrymaŭ miljony dalaraŭ ad brazilskaj budaŭničaj kampanii Odebrecht u abmien na zaklučeńnie kantraktaŭ.
Jany nakiravali ZŠA zapyt ab ekstradycyi ŭ mai 2018 hoda. Prakuratura Pieru damahajecca 20-hadovaha turemnaha źniavoleńnia dla byłoha prezidenta.
Alechandra Taleda byŭ upieršyniu aryštavany ŭ Kalifornii ŭ 2019 hodzie. U 2020-m jon byŭ vyzvaleny pad zakład i pasadžany pad chatnim aryšt z elektronnym manitoram na nazie.
Na hetym tydni advakaty byłoha prezidenta biespaśpiachova chadajničali ab adterminoŭcy jaho ekstradycyi. Jany śćviardžali, što jaho žyćcio budzie ŭ niebiaśpiecy, kali jon vierniecca ŭ Pieru.
Taleda zajaŭlaje, što abvinavačvańni suprać jaho palityčna matyvavanyja. Adnak sudździa akruhovaha suda ZŠA ŭ Paŭnočnaj akruzie Kalifornii paličyŭ, što majecca dastatkova dokazaŭ, kab mierkavać, što Taleda ŭdzielničaŭ u zmovie i admyvańni hrošaj.
Čakajecca, što jaho ekstradycyja zojmie ŭsiaho niekalki dzion.
U Pieru prezident raspuściŭ parłamient. A jamu abviaścili impičmient
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje13
Kamientary