Niekalki biełaruskich tenisistaŭ padpisali dekłaracyi ab niejtralnym statusie, kab zhulać na sioletnim Uimbłdonie
Užo niekalki rasijskich i biełaruskich tenisistaŭ padpisali asabistyja zajavy, jakija dazvolać im vystupać u jakaści niejtralnych hulcoŭ na sioletnim Uimbłdonskim tenisnym turniry, paviedamlaje Reuters.
Imiony spartoŭcaŭ nie nazyvajucca.
«Ja nie budu dzialicca padrabiaznaściami, chto heta, ale šerah hulcoŭ užo padpisali. My vysłuchali vodhuki spartoŭcaŭ za minuły hod, i jany skazali, što chacieli mieć mahčymaść padpisać dekłaracyju. Jany całkam razumiejuć, na što jany padpisvajucca», — zajaviła 25 krasavika Sali Bołtan, vykanaŭčy dyrektar Usieanhlijskaha kłuba łaŭn-tenisa i krakieta (AELTC), arhanizatara Uimbłdonu.
Kab udzielničać u sioletnich spabornictvach, rasijskija i biełaruskija spartoŭcy pavinny pahadzicca prymać udzieł u ich u niejtralnym statusie, nie rabić zajaŭ u padtrymku vajny va Ukrainie i nie atrymlivać finansavańnie ad rasijskaj i/abo biełaruskaj dziaržaŭ i kampanij, jakija jany kantralujuć.
U 2022 hodzie arhanizatary Uimbłdonu vyrašyli nie dapuskać pradstaŭnikoŭ Rasii i Biełarusi da ŭdziełu ŭ spabornictvach, za što Asacyjacyja tenisistaŭ-prafiesijanałaŭ (ATP) i Žanočaja tenisnaja asacyjacyja (WTA) źniali z turniru rejtynhavyja bały.
U sakaviku 2023 hoda Uimbłdon abviaściŭ, što źniaŭ tatalnuju zabaronu, ale ciapier tenisisty pavinny padpisać dekłaracyju.
Ciapier čytajuć
Vaskrasienski: Adkryvajecca nieba — i Aleś Bialacki adrazu vychodzić29
Kamientary