Ministerstva lasnoj haspadarki apublikavała novuju interaktyŭnuju kartu zabaron i abmiežavańniaŭ na naviedvańnie lasoŭ. Da Zachodniaj Biełarusi dadalisia 11 rajonaŭ Mahiloŭskaj vobłaści, a taksama Łojeŭski rajon Homielskaj.
Z 26 krasavika zabaranili naviedvańnie lasoŭ ŭ Kaściukovickim, Klimavickim, Krasnapolskim, Kryčaŭskim, Mahiloŭskim, Mścisłaŭskim, Słaŭharadskim, Chocimskim, Čavuskim, Čerykaŭskim, Škłoŭskim rajonach.
Uviedziena abmiežavańnie ŭ Łojeŭskim rajonie Homielskaj vobłaści. Jašče raniej byli ŭviedzienyja abmiežavańni va ŭsich rajonach Brestčyny i Hrodzienščyny, a taksama ŭ Salihorskim i Słuckim rajonach Minskaj vobłaści.
Pakul całkam zialonaja Viciebskaja vobłaść.
Čym adroźnivajecca zabarona ad abmiežavańnia?
Pry ŭviadzieńni abmiežavańniaŭ bieśpieraškodna možna chadzić u les u hryby abo jahady tolki pieššu. Zajazdžać na aŭto i razvodzić vohniščy zabaraniajecca.
Kali dziejničaje zabarona, to ŭvachod u les zakryty ŭsim. Praŭda, jak udakładniajuć u Minlashasie, rabotniki lasnych haspadarak, kali vyjaŭlajuć parušalnika, u bolšaści vypadkaŭ pravodziać ź im prafiłaktyčnuju hutarku. A voś za raźviadzieńnie vohnišča abo kinuty niedakurak možna atrymać štraf da 12 bazavych vieličyń. Kali praz vohnišča zaharycca les, to štraf pavialičvajecca da 30 bazavych adzinak.
Kamientary