U Homieli zaŭtra pačynajecca sud nad žurnalistam i krajaznaŭcam Jaŭhienam Mierkisam
Sud budzie prachodzić u zakrytym režymie.
Homielski abłasny sud 11 maja pačnie razhlad kryminalnaj spravy žurnalista-fryłansiera i krajaznaŭca Jaŭhiena Mierkisa. Jaho abvinavačvajuć u stvareńni ekstremisckaha farmavańnia albo ŭdziele ŭ im (č. 3 art. 361-1 KK), a taksama ŭ sadziejničańni ekstremisckaj dziejnaści (č. 1 i 2 art. 361-4 KK), nahadvaje «Viasna».
Spravu ŭ zakrytym režymie budzie razhladać sudździa Alaksiej Chłyščankoŭ.
Jaŭhiena Mierkisa zatrymali 13 vieraśnia 2022 hoda ŭ Homieli. Pa miescy žycharstva byŭ praviedzieny pieratrus. Da suda žurnalist byŭ źmieščany ŭ SIZA № 3 Homiela.
Mierkis aśviatlaŭ akcyi pratestu paśla prezidenckich vybaraŭ 2020 hoda, vioŭ strymy ź mitynhaŭ tak zvanych «darmajedaŭ» u 2017 hodzie. Jaho nieadnarazova zatrymlivała milicyja, praz sudy štrafavała i adpraŭlała na sutki. Ahułam za svaju žurnalisckuju dziejnaść Mierkisu prysudzili 50 sutak aryštu i bolš za 200 bazavych vieličyń štrafaŭ.
Paśla pryznańnia šerahu niezaležnych ŚMI ekstremisckimi farmavańniami Jaŭhien zajmaŭsia krajaznaŭčaj i histaryčnaj dziejnaściu.
Viadoma taksama, što Jaŭhiena Mierkisa ŭ SIZA-3 źmiaščali na čaćviora sutak u karcar za toje, što jon nibyta nie pahaliŭsia.
Pierastaŭ pracavać krajaznaŭčy sajt, jaki stvaraŭ palitviazień Jaŭhien Mierkis
Spravu suprać Jaŭhiena Mierkisa pieradali ŭ sud
Jon nie zachacieŭ zastavacca ŭ Niamieččynie i Minsku. Jahonaja žonka pamierła ad raku. Ale jon zastaŭsia ŭ Homieli, bo vieryć u Homiel — kiraŭnik «Tałaki» Jaŭhien Mierkis, intervju
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary