Hramadstva2929

Paŭła Biełavusa asudzili na 13 hadoŭ kałonii

Dyrektara symbal.by i arhanizatara śviatkavańnia 100‑hodździa BNR Paŭła Biełavusa abvinavacili ŭ dziaržaŭnaj zdradzie. Minski haradski sud siońnia vynies jamu prysud — 13 hadoŭ źniavoleńnia.

Pavel Belavus Paviel Bielavus Pavieł Biełavus
Pavieł Biełavus padčas abviaščeńnia prysudu. Kadr ź videa

Pa artykule za zdradu dziaržavie jon atrymaŭ samy vialiki termin — 10 hadoŭ i štraf u pamiery 500 bazavych vieličyń (18,5 tysiač rubloŭ). Akramia taho, jaho pryznali vinavatym u arhanizacyi hrupavych dziejańniaŭ, jakija parušajuć hramadski paradak, i prysudzili za heta 3 hady kałonii. Za publičnyja zakliki da zachopu ŭłady-4 hady, za kiraŭnictva ekstremisckim farmiravańniem — 4 hady pazbaŭleńnia voli.

U vyniku sud pryznačyŭ pakarańnie ŭ vyhladzie 13 hadoŭ pazbaŭleńnia voli, adbyvać termin Pavieł Biełavus budzie ŭ kałonii ŭzmocnienaha režymu.

Paŭłu Biełavusu było vystaŭlenaje abvinavačańnie adrazu pa niekalkich artykułach Kryminalnaha kodeksa:

— č. 1 art. 356 (zdrada dziaržavie);

— č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak);

— č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś);

— č. 1 art. 361-1 (kiraŭnictva ekstremisckim farmavańniem).

Paŭła Biełavusa zatrymali 15 listapada 2021 hoda i pieršapačatkova davali administracyjnyja sutki, ale z Akreścina nie adpuścili i raspačali kryminalnuju spravu.

Praces pačaŭsia 20 lutaha 2023 hoda, viała jaho sudździa Žanna Brysina. 

Pieršapačatkova sud byŭ adkryty, ale dziaržaŭny abvinavaŭca zajaviŭ chadajnictva ab razhladzie spravy ŭ zakrytym režymie «z metaj praduchileńnia razhałošvańnia infarmacyi, raźmieščanaj u krynicach, pryznanych ekstremisckimi».

Jak paviedamlaŭ na pačatku studzienia były načalnik upraŭleńnia Śledčaha kamiteta pa Minsku Siarhiej Pasko, u 2011 hodzie «abvinavačany dla pošuku adnadumcaŭ pačaŭ tranślavać patrebnuju jamu infarmacyju ŭ masy».

«Pad vyhladam kulturna-histaryčnaha raźvićcia ŭ roznych ahulnadastupnych sacyjalnych sietkach i na sajtach jon raspaŭsiudžvaŭ idei biełaruskaha nacyjanalizmu, metaj jakich źjaŭlałasia źmiena dziaržaŭnaj ułady ŭ Biełarusi», — kazaŭ u studzieni Pasko.

Kamientary29

  • nie taki jak jość
    11.05.2023
    Ci jość u Biełarusi takaja asoba (ci hrupa asob, ci niejkaja sacyjalnaja hrupa) represii ŭ adnosinach da jakoj (ci jakich) narešcie niešta zvaruchnuć u biełarusach nastolki, što jany zrazumiejuć što tak dalej nielha. Chto heta moža być? Kaho dla hetaha treba asudzić za "zdradu dziaržavie"? Dziaciej ź biełaruskamoŭnaha sadka? Ci jość niejkaja miera ciarpieńnia ŭ hetaha naroda?
  • Tor
    11.05.2023
    nie taki jak jość, narod zrabiŭ svoj vybar i prajhraŭ ciapier płocić za svaoj niadały vybar. Treba było starykoŭ pasłuchać a nie za Śvietaj biehčy i ŭdzielničać u hetym śpiektakli hazproma.
  • Kot Murkot
    11.05.2023
    Nie, nie, stolki jon nie prasiadzić. Uvohule vyjduć usie palitviaźni, a ich sudździ naadvarot buduć asudžanyja, i nastupić ščaście ŭ pryŭkrasnaj Biełarusi budučyni!

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

«Voś zaraz zamirymsia. Nivodnaha strełu. I? Voś heta katastrofa. Tamu što da hetaha nie hatovyja» — Vieniadziktaŭ8

Łukašenka na naradzie pra kino: Biez vas my možam abyścisia. Vas niama11

56-hadovuju viciablanku buduć sudzić za pornastrymy ŭ internecie10

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja55

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić