U Breście na mužčynu abrynuŭsia mikraaŭtobus, jaki jon vykarystoŭvaŭ u jakaści «donara»
49-hadovy bieraściejec sprabavaŭ dastać z adsłužyŭšaha svajo staroha aŭtamabila rysory, kab pierastavić ich na naviejšuju mašynu. Ale heta ŭ vyniku skončyłasia trahična, piša «Hancavicki čas».
U svoj čas mužčyna nabyŭ stary mikraaŭtobus «Ivieka» i pry patrebie zdymaŭ ź jaho patrebnyja zapčastki dy vykarystoŭvaŭ ich dla ramontu inšaj mašyny. Razborka staroha transpartnaha srodku dajšła da takoj stadyi, što apošnim časam mikraaŭtobus stajaŭ užo na adnym kole.
U druhoj pałovie dnia 11 maja mužčyna vypraviŭsia źniać z hetaj mašyny rysory. Z dapamohaj damkrata jon pryŭźniaŭ aŭtamabil, ale dla ŭporu ničoha nie padkłaŭ. U niejki momant damkrat vyśliznuŭ i mikraaŭtobus prycisnuŭ svajho ŭładalnika, zaniataha pracaj.
Paklikać na dapamohu mužčyna nikoha nie zmoh. Jaho cieła znajšła žonka, zaniepakojenaja doŭhaj adsutnaściu muža. Inšych padrabiaznaściaŭ hetaj historyi pakul niama.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary