Łukašenka zajaviŭ, što Rasija była hatovaja zaklučyć «dahavor ab urehulavańni kanfliktu» va Ukrainie
Alaksandr Łukašenka zajavviŭ, što Rasija była hatovaja zaklučyć dahavor ab urehulavańni kanfliktu va Ukrainie, ale Ukraina admoviłasia. Pra heta jon zajaviŭ na sustrečy 18 maja z udzielnikami pasiadžeńnia Rady Parłamienckaj asamblei ADKB, pieradaje BIEŁTA.
«Ź pieršaha dnia parłamientaryi Rasii ŭ hetym udzielničali niepasredna. Nami było prapanavana: davajcie siadziem za stoł pieramovaŭ.
Nu, nadavali pa mordzie adzin adnamu — davajcie pahavorym, davajcie spynim hetuju vajnu.
Try raundy ŭ Biełarusi prajšli. Potym nie toje ciesna stała Zialenskamu, nie toje jašče niešta — u Turcyju źjechali. Dobra, davajcie ŭ Turcyi. Na stoł pakłali prajekt dahavora. Kali b Rasija ciapier jaho čytała, jana b z hłuzdu źjechała. Jon absalutna byŭ niavyhadny Rasii. Ale Rasija pahadziłasia», — zapeŭnivaje Łukašenka.
«U mianie na stale lažyć prajekt hetaha dahavora. I jak tolki Rasija pahadziłasia na mirnyja inicyjatyvy, dahavor, prajekt byŭ vykinuty ŭ košyk, — skazaŭ Łukašenka. — Heta ludzi, moža, nie ŭsie viedajuć. Ale śpiecyjalisty ŭ hetym udzielničali i viedajuć».
«Pierš čym vinavacić nas u kanfrantacyi, pašyreńni hetaha kanfliktu, treba viarnucca za stoł pierahavoraŭ. Uziać nie toj dakumient [jaki vypracoŭvaŭsia na pačatkovym etapie rasijska-ŭkrainskich pierahavoraŭ] — novy. Dla taho, kab spynić vajnu», — zajaviŭ jon.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary