Hramadstva

Estonija zrabiła istotnaje vyklučeńnie dla studentaŭ, daktaroŭ i navukoŭcaŭ ź Biełarusi

Urad Estonii ŭchvaliŭ vyklučeńnie z sankcyjnaha režymu, u adpaviednaści ź jakim studenty, daktary i navukoŭcy, jakija prybyli ŭ Estoniju da pačatku poŭnamaštabnaj ahresii Rasii suprać Ukrainy, mohuć chadajničać ab novym dazvole na žycharstva.

Premjer-ministrka Estonii Kaja Kałas. Fota ź jaje instahrama

Vyklučeńnie nie aznačaje aŭtamatyčnaha atrymańnia dazvołu na žycharstva. Kožnaje chadajnictva budzie razhledžanaje asobna, u kožnym vypadku ŭłady buduć aceńvać, ci jość u čałavieka padstavy dla atrymańnia dazvołu na žycharstva, piša Delfi.

U sankcyjnym režymie budzie zroblenaje vuzka nakiravanaje vyklučeńnie dla tych, chto znachodzicca ŭ Estonii na zakonnych padstavach navučencaŭ, daktaroŭ, stamatołahaŭ i akademičnych rabotnikaŭ ź liku hramadzian Rasii i Biełarusi, jakim budzie pradastaŭlenaja mahčymaść atrymać dazvoł na žycharstva dla bolš praciahłaha znachodžańnia ŭ Estonii.

Vyklučeńnie ŭ sankcyjnym režymie tyčycca tych ludziej, jakija pryjechali ŭ Estoniju vučycca abo pracavać da pačatku poŭnamaštabnaj ahresii Rasii suprać Ukrainy, zdali ŭsie nieabchodnyja ekzamieny estonskaj movy abo prajšli estonamoŭnuju vučebnuju prahramu i vałodajuć estonskaj movaj jak minimum na ŭzroŭni B2. Na akademičnych rabotnikaŭ patrabavańnie vałodać movaj nie raspaŭsiudžvajecca.

U 2022/2023 navučalnym hodzie ŭ estonskich VNU vučycca 298 hramadzian Rasii i Biełarusi, na jakich raspaŭsiudžvajecca sankcyjny režym. Vyklučeńnie raspaŭsiudzicca ŭ pieršuju čarhu na tych 78 studentaŭ, jakija zaviaršajuć navučańnie pa estonamoŭnaj prahramie.

Vyklučeńnie dla studentaŭ, jakija vałodajuć estonskaj movaj i zakančajuć tut univiersitet, nie nanosić škody asnoŭnaj mecie sankcyj — abmiežavać prybyćcio ŭ Estoniju novych hramadzian Rasii i Biełarusi, pakolki vyklučeńnie robicca tolki dla tych, chto ŭžo znachodzicca ŭ Estonii.

Pavodle źviestak Departamienta zdaroŭja, u 2022-2023 hodzie ŭ Estonii ŭ jakaści daktaroŭ byli zarehistravanyja 9 čałaviek, jakija prybyli na pracu z Rasii, i 6 čałaviek ź Biełarusi, a taksama adzin stamatołah z Rasii i 3 stamatołahi ź Biełarusi.

Pa acency Ministerstva sacyjalnych spraŭ, nieabchodna zachavać usich daktaroŭ i stamatołahaŭ, jakija, prybyŭšy na pracu ŭ Estoniju ź inšaj dziaržavy, užo prajšli ekzamien na prafiesijnuju adpaviednaść, zdali ekzamien pa estonskaj movie i ŭniesienyja ŭ rehistr Departamienta zdaroŭja z pravam pracavać doktaram ci stamatołaham. U hetym vypadku kraina pachodžańnia značeńnia nie maje.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?2

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

U śviecie isnuje tolki adna kraina, zdolnaja całkam zabiaśpiečvać siabie ježaj4

Stała viadoma, u jakich abłaściach najbolš IP i jurasob, a dzie ich najbolš zakryłasia

«U palitycy była sprava». Łukašenka vyśvietliŭ, čamu biełarusam nie chapiła bulby17

Pijanier biełaruskaha IT-aŭtsorsinhu vyras u Polščy ŭ 2,5 razy3

«Voś zaraz zamirymsia. Nivodnaha strełu. I? Voś heta katastrofa. Tamu što da hetaha nie hatovyja» — Vieniadziktaŭ8

Łukašenka na naradzie pra kino: Biez vas my možam abyścisia. Vas niama11

56-hadovuju viciablanku buduć sudzić za pornastrymy ŭ internecie10

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?2

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić