«Demanstravaŭ V-padobny žest». Mužčynu asudzili za ŭdzieł u pratestach
Mužčynu taksama abvinavacili va ŭdziele ŭ akcyjach pratestu ŭ 2020 hodzie ŭ Minsku i vychadzie na prajeznuju častku.
U sudzie Partyzanskaha rajona Minska asudzili Alaksandra Sałaninku pavodle č. 1 art. 342 KK (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Sudździa Natalla Dziadkova pryznačyła Alaksandru dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Mužčynu abvinavacili va ŭdziele ŭ akcyjach pratestu ŭ 2020 hodzie ŭ Minsku i vychadzie na prajeznuju častku. Alaksandr, skončyŭšy pracoŭnuju źmienu na pradpryjemstvie, na prachadnoj ubačyŭ hrupu ludziej z raściažkaj z łozunham, paśla čaho dałučyŭsia da pratestoŭcaŭ.
Padčas pratesnaj akcyi jon «publična vykrykvaŭ łozunhi i demanstravaŭ u jakaści pratesnaha simvała V-padobny žest pakazalnym i siarednim palcami ruk», piša «Viasna».
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary