U Indyi zdaryłasia žudasnaja katastrofa na čyhuncy. Zahinuli 275 čałaviek
Niekalki ciahnikoŭ sutyknulisia ŭ štacie Adyša na ŭschodzie Indyi. U katastrofie 288 čałaviek zahinuli, kala 900 atrymali roznyja traŭmy.
Pa papiarednich źviestkach, jak piša Bi-bi-si, chutki ciahnik «Šalimar-Karandel» kala siomaj viečara pa miascovym časie syšoŭ z rejek, pryčym niekalki vahonaŭ apynulisia na inšym šlachu, pa jakim išoŭ ekspres «Jesvantpur-Chaora». Jon urezaŭsia ŭ hetyja vahony, paśla čaho, jak paviedamlajuć indyjskija čynoŭniki, adbyłosia jašče adno sutyknieńnie, užo z hruzavym ciahnikom, jaki stajaŭ na šlachach. Inšych padrabiaznaściaŭ pakul nie pastupała.
Heta najbujniejšaja čyhunačnaja katastrofa ŭ Indyi z 1980-ch hadoŭ. Pavodle acenak miascovych uładaŭ, kolkaść achviar moža vyraści.
Da miesca katastrofy prybyło ŭžo bolš za 200 mašyn chutkaj dapamohi, na dziažurstva dadatkova vyklikanyja bolš za 100 lekaraŭ, mnohija z tych pasažyraŭ, chto vyžyŭ, pa śviedčańniach vidavočcaŭ, pryjšli na dapamohu tym, chto apynuŭsia ŭ pierahornutych vahonach, vyratavalnaja apieracyja praciahvajecca.
Premjer-ministr Indyi Narendra Modzi vykazaŭ spačuvańnie svajakam zahinułych i paciarpiełych i paviedamiŭ u tvitary, što na miescy avaryi viaducca vyratavalnyja pracy i robicca ŭsio mahčymaje, kab paciarpiełyja atrymali patrebnuju dapamohu.
Adzin z tych, chto vyžyŭ u sutyknieńni ciahnikoŭ, raskazaŭ indyjskamu navinavamu ahienctvu ANI, što, kali zdaryłasia avaryja, na jaho ŭpali 10-15 čałaviek. «Ja paškodziŭ ruku i šyju. Kali ja vybraŭsia z vahona, ja ŭbačyŭ, što chtości straciŭ ruku, chtości straciŭ nahu, a ŭ kahości byŭ źniaviečany tvar», — skazaŭ jon.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary