«Siońnia my ŭ mietro pajedziem». Novy dziciačy vierš ad Andreja Skurko
Žonka palitviaźnia Andreja Skurko Paŭlina pavinšavała svaich padpisčykaŭ u instahramie z dniom taty i apublikavała novy dziciačy vieršyk muža.
«Siońnia dzień taty, a ŭ nas z Tamašom kožny dzień — taty, dumak i maraŭ pra tatu, i jak nam pašancavała. Adznačcie i vy z nami hety Dzień Taty razam z Andrejevym miłym vieršam», — napisała Paŭlina.
Siońnia my ŭ mietro pajedziem,
Voźmiem našaha miadźviedzia.
Jon niadaŭna z mahazina —
Budzie ŭsio jamu tam dziŭna:
Jak prachodzić turnikiet,
Dzie kupić žeton, bilet,
Jak stupać na eskałatar
I trymacca mamy z tatam.
Na płatformy kraj nie leźci
I maroziva nie jeści…
Čujecca z tunela hrom —
Padyšoŭ ciahnik mietro.
Uvachodzim aściarožna —
Pačynajem padarožža!
Hety vieršyk z budučaj azbuki, na litaru M, jak patłumačyła Paŭlina.
Kamientary