Pavodle vynikaŭ hałasavańnia hledačoŭ u konkursie ihravoha kino kinafiestyvalu «Listapad-2009» Hran-pry atrymała karcina «Śviet vialiki i paratunak skryvajecca za vuhłom» Stefana Kamandarava (Bałharyja/Hiermanija/Słavienija/Vienhryja).
«Sierabro» «Listapada» atrymała karcina «Viečnyja imhnieńni Maryi Łarsan» režysiora Jana Truela (Šviecyja). Treciaje miesca zaniaŭ biełaruski film «Snajpier. Zbroja adpłaty» Alaksandra Jafremava.
Pryza za režysuru ŭdastojeny film «Viečnyja imhnieńni Maryi Łarsan». Taksama akciory hetaha filma Mikael Piersbrand i Maryja Chajskanien udastojeny pryzoŭ mižnarodnaha žury fiestyvalu za lepšuju mužčynskuju i žanočuju roli adpaviedna.
Pryz žury kinapresy «Film jak ź`iava kinamastactva» atrymała karcina «Miełodyja dla katrynki» Kiry Muratavaj (Ukraina).
Pryz prezidenta Biełarusi «Za humanizm i duchoŭnaść u kino» atrymaŭ viadomy kirhizski režysior Marat Sarułu za film «Pieśnia paŭdniovych moraŭ».
Usiaho sioleta ŭ konkursie ihravoha kino fiestyvalu brali ŭdzieł 18 karcin.
Jak paviedamiŭ staršynia kinafiestyvalu «Listapad-2009» Raścisłaŭ Jankoŭski, karciny fiestyvalu sioleta pahladzieli prykładna 35 tysiač hledačoŭ (44 tysiačy — letaś). Pavodle jaho słoŭ, kala vaśmi tysiač dziciačych hledačoŭ «było stračana z-za situacyi z hrypam».
Nahadajem, pieramožcam kinafiestyvalu «Listapad-2008» stała karcina «Pasažyrka» režysiora Stanisłava Havaruchina (Rasija). Na praciahu apošnich dziesiaci hadoŭ biełaruskija hledačy addavali Hran-pry pieravažna rasijskim filmam. Vyklučeńniem staŭ 2007 hod, kali hałoŭny pryzy atrymała karcina Chienkiela fon Doniersmarka «Žyćcio inšych» (Hiermanija).
Kamientary