Siłaviki chodziać pa elektryčkach i praviarajuć telefony ŭ pasažyraŭ — «Novy čas»
Vydańnie «Novy čas» na padstavie śviedčańniaŭ svaich čytačoŭ paviedamlaje, što apošnim časam supracoŭniki milicyi pačali praviarać u ludziej telefony ŭ vahonach elektryčak.
Pavodle atrymanaj vydańniem infarmacyi, pravierkaj telefonaŭ zajmajucca zvyčajnyja patrulnyja, jakija supravadžajuć elektraciahniki i sočać za paradkam. Vyhladaje, što jany atrymali adpaviedny zahad.
Uvahu siłavikoŭ pryciahvajuć tyja pasažyry, jakija padčas padarožža «siadziać» u telefonach. Takich ludziej supracoŭniki ŭ pahonach vyklikajuć u tambur i patrabujuć razbłakavać smartfon dla «pravierki».
Pavodle nazirańniaŭ čytačoŭ «NČ», takija vypadki byli zaŭvažanyja, prynamsi, na maładziečanskim kirunku ź Minska. Pa vynikach pravierki telefonaŭ ludziej časam adpuskajuć, ale zdarajucca i zatrymańni.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary