Сілавікі ходзяць па электрычках і правяраюць тэлефоны ў пасажыраў — «Новы час»
Выданне «Новы час» на падставе сведчанняў сваіх чытачоў паведамляе, што апошнім часам супрацоўнікі міліцыі пачалі правяраць у людзей тэлефоны ў вагонах электрычак.
Паводле атрыманай выданнем інфармацыі, праверкай тэлефонаў займаюцца звычайныя патрульныя, якія суправаджаюць электрацягнікі і сочаць за парадкам. Выглядае, што яны атрымалі адпаведны загад.
Увагу сілавікоў прыцягваюць тыя пасажыры, якія падчас падарожжа «сядзяць» у тэлефонах. Такіх людзей супрацоўнікі ў пагонах выклікаюць у тамбур і патрабуюць разблакаваць смартфон для «праверкі».
Паводле назіранняў чытачоў «НЧ», такія выпадкі былі заўважаныя, прынамсі, на маладзечанскім кірунку з Мінска. Па выніках праверкі тэлефонаў людзей часам адпускаюць, але здараюцца і затрыманні.
Каментары