Bajden nazvaŭ Si Czińpina dyktataram praź dzień paśla vizitu dziaržsakratara ŭ Piekin
Usiaho praź dzień paśla prymirenčaha vizitu dziaržsakratara ZŠA Entani Blinkiena ŭ Kitaj prezident ZŠA Džo Bajden nazvaŭ kitajskaha lidara Si Czińpina dyktataram. Piekin pakul nie adreahavaŭ, piša Bi-bi-si.
Džo Bajden nazvaŭ Si Czińpina dyktataram, kali raspaviadaŭ pra reakcyju Si na źbity ŭ pačatku hoda nad ZŠA kitajski vyviedvalny zond.
Bajden skazaŭ, vystupajučy ŭ Kalifornii, što Si Czińpin byŭ vielmi niezadavoleny tym, jak raźvivaŭsia skandał vakoł hetaha zonda.
«A pryčyna, čamu Si Czińpin byŭ vielmi niezadavoleny, kali ja źbiŭ toj pavietrany šar z dvuma vahonami špijonskaj aparatury, była ŭ tym, što jon nie viedaŭ pra hety šar, — skazaŭ Bajden. — A heta dyktataram vielmi nie padabajecca, kali jany nie viedajuć, što adbyvajecca».
U niadzielu i paniadziełak Piekin naviedaŭ dziaržsakratar ZŠA Entani Blinkien. Meta jaho vizitu była ŭ tym, kab źnizić napružanaść u adnosinach KNR i ZŠA, jakaja prykmietna vyrasła apošnija miesiacy.
U paniadziełak Blinkien sustreŭsia ź Si Czińpinam. Si skazaŭ, što na sustrečy byŭ dasiahnuty peŭny prahres, a Blinkien daŭ zrazumieć, što abodva baki hatovyja da praciahu pieramoŭ. Dziaržsakratar kanstatavaŭ, što surjoznyja roznahałośsi pamiž Piekinam i Vašynhtonam zachoŭvajucca.
Hetyja roznahałośsi datyčać handlovaj palityki, losu Tajvania, jaki Kitaj pahražaje zachapić siłaj, a taksama zachavańnia pravoŭ čałavieka ŭ KNR.
Heta byŭ pieršy vizit kiraŭnika zamiežnapalityčnaha viedamstva ZŠA ŭ Kitaj za piać hadoŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ9
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary