Hramadstva1919

Azaraŭ patłumačyŭ, što adbyvajecca sa źviestkami z płana «Pieramoha»

Pradstaŭnik Abjadnanaha pierachodnaha kabinieta pa adnaŭleńni zakonnaści i pravaparadku Alaksandr Azaraŭ adkazaŭ na pytańni čytačoŭ «Našaj Nivy» pra płan «Pieramoha» i kantakty biełarusaŭ, jakija ŭ im zachoŭvajucca.

Alaksandr Azaraŭ. Fota Našaj Nivy
Alaksandr Azaraŭ miž Valeram Kavaleŭskim i Śviatłanaj Cichanoŭskaj. Fota: Ofis Śviatłany Cichanoŭskaj

Ci nie adbyłosia źlivu źviestak biełarusaŭ z płana «Pieramoha» praz kanflikt u «Bajpole»?

— Płan «Pieramoha», bot płana «Pieramoha», akaŭnt «Bajpoła», na jaki pisali ludzi, — usio znachodzicca ŭ biaśpiecy, i anijakija źviestki nikudy nichto nie źliŭ. My harantujem biaśpieku.

Što stałasia sa źviestkami, jakija pieradali «Bajpołu» biełarusy?

— Poŭnyja asabistyja danyja nam nichto nie pieradavaŭ, ludzi adkazvali na pytańni: ci prachodzili jany vajskovuju słužbu, što hatovyja rabić, u jakim nasielenym punkcie i rajonie horada žyvuć i, moža być, dzie pracujuć.

Tam niama ni numaroŭ telefonaŭ, ni mejłaŭ, ni imionaŭ i proźviščaŭ. Usie nibyta «źlityja bazy» — heta ŭkidy śpiecsłužbaŭ Biełarusi.

Naša baza zašyfravanaja z dapamohaj składanaha ałharytmu, navat kali jaje adkryć — ty ničoha tam nie zrobiš. Tam usio ŭ šyfrach.

Jakija ŭvohule źviestki zachoŭvajucca ŭ bazie płana «Pieramoha»?

— Tam zachoŭvajucca źviestki z ankietnaha apytańnia i id telehram-akaŭntaŭ. «Deananimizavać» čałavieka pa id možna, choć i składana, ale dla hetaha treba viedać, što čałaviek uvohule zapisaŭsia ŭ płan. Daviedacca heta napeŭna niemahčyma, bo niemahčyma atrymać bazu źviestak, i infarmacyja adtul nie ŭciakała i nie ŭciače.

Jakim čynam arhanizavana suviaź unutry płana «Pieramoha» i jak nie papaścisia na fejki?

— Usia kamunikacyja ŭ miežach płana «Pieramoha» adbyvajecca vyklučna praz aryhinalny bot. I ŭsio, anijakich inšych šlachoŭ suviazi niama.

U bot niemahčyma ničoha zapisać, akramia ankietnych źviestak. Tamu, kali z vami zachoča źviazacca pradstaŭnik płana «Pieramoha», z bota płana pryjdzie paviedamleńnie. Da prykładu: «Prośba vyjści na suviaź z hetym akaŭntam». I tam budzie spasyłka na akaŭnt supracoŭnika «Bajpoła». Ale, jašče raz, pierapraviercie dvojčy, kab heta byŭ aryhinalny — aryhinalny! — bot.

Jak zaraz źviazacca sa stvaralnikami płana «Pieramoha»?

— Našy kantakty ŭkazanyja na sajcie «Bajpoła», z sacyjalnymi sietkami ŭsio vyrašajecca. Taksama my kantralujem naš kantaktny akaŭnt. Usie achvotnyja mohuć zadać tudy svaje pytańni.

Ci mahčyma «vypisacca» z płana «Pieramoha»?

— Raskazvać, jak vypisacca z płana, — heta jak zdrada radzimie dla mianie, bo ja vieru ŭ płan «Pieramoha» i ŭ toje, što jon važny dla vyzvaleńnia Biełarusi. My zaklikajem zmahacca z režymam, a nie zdavacca jamu ŭ pałon. Chto baicca, toj nie pieramoža!

Vy budziecie praciahvać vašu dziejnaść?

— Tak, u nas usio ŭ paradku. My vyrašajem unutranyja prablemy i praciahniem zmahańnie z režymam Łukašenki da pieramohi.

Čamu biełarusy musiać davierycca płanu «Pieramoha»?

— Jamu raniej davierylisia rejkavyja partyzany, udzielniki akcyi ŭ Mačuliščach i inšyja ludzi, jakija dziejničajuć, kab viarnuć u Biełaruś zakonnaść i pravaparadak. I kožny raz źviestki pra ŭsich udzielnikaŭ byli ŭ biaśpiecy. Tamu ja liču, što my dastatkova dobra abaranili i praciahvajem abaraniać danyja ŭdzielnikaŭ płana.

«Naša Niva» — bastyjon biełaruščyny

PADTRYMAĆ

Kamientary19

  • Bienia
    25.06.2023
    [Red. vydalena]
  • Nhš
    25.06.2023
    Kohda vsie pod kołpakom i tielefony dažie v električkach prrvieriajut, kommunikacija proischodit čieriez čat bot, a on v akkauntie tielehramma vsiehda na vidu. Hienialnyj i očień konśpirativnyj sposob kommunikacii. I na čto tohda im sotrudničiestvo s kibierami?
  • EMIL
    25.06.2023
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Usie naviny →
Usie naviny

Pakładzicie limon u mikrachvaloŭku — piać chvilin kajfu harantavanyja3

U Minsk ściahvajecca vajskovaja technika1

U Vałhahradzie katafałk ulacieŭ u padziemny pierachod1

Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu19

Biełaruskaja čyhunka źbirajecca pravieści aptymizacyju štatu na 30%8

Nasupierak dekłaravanamu namieru ekanomić, ZŠA pavialičać biudžet Pientahona da kaśmičnaha pamieru6

Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom31

«Maša i Miadźviedź» pakidajuć Rasiju11

Na vybarach u Rumynii za vychad u druhi tur zmahajucca nacyjanalist, libierał i kansiervatar

bolš čytanych navin
bolš łajkanych navin

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić