Saudaŭskaja Aravija prymaje pieršy poŭnamaštabny chadž paśla pandemii FOTAFAKT
Čakałasia, što pieršy poŭnamaštabny chadž źbiare rekordnuju kolkaść pałomnikaŭ. Adnak, pa paviedamleńniach Hałoŭnaha ŭpraŭleńnia statystyki, sioleta choć kolkaść pałomnikaŭ skłała bolš za 1,8 młn viernikaŭ, heta značna nižej za 2,5 młn, jakija naviedali śviatyja miescy ŭ 2019 hodzie.
Pa źviestkach Ministerstva chadžu i umry Saudaŭskaj Aravii, u ich lik uvachodziać bolš za 875 000 žančyn i amal 970 000 mužčyn.
Tym nie mienš ličby hetaha hoda značna pieravyšajuć 926 000 čałaviek, jakija zrabili chadž letaś, kali kolkaść pałomnikaŭ była abmiežavanaja adnym miljonam paśla pandemii Covid-19.
Chadž — adzin ź piaci słupoŭ isłamu i pavinien być ździejśnieny ŭsimi musulmanami, jakija majuć srodki, choć by adzin raz u žyćci. U aeraporcie Džedy byŭ pabudavany śpiecyjalny terminał dla pryjomu pałomnikaŭ.
U 2021 hodzie ŭłady Saudaŭskaj Aravii admianili patrabavańnie, kab žančyn supravadžali apiekuny-mužčyny.
Pałomniki sioleta sutyknulisia z mocnaj śpiokaj, z tempieraturaj vyšejšaj za 45 hradusaŭ pa Celsiju. Dziasiatki tysiač saudaŭskich rabočych i vałancioraŭ razdajuć butelki z vadoj. Niekatoryja pałomniki ratujucca ad sonca pad parasonami.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła33
Kamientary