28 červienia ŭ Minsk prybyŭ prefiekt dykasteryi pa spravach uschodnich Kaściołaŭ, archibiskup Kłaŭdya Hudžeroci. Jaho Papa delehavaŭ na ŭračystaści ŭ Budsłaŭ z nahody 25-hodździa karanacyi cudadziejnaha abraza Maci Božaj Budsłaŭskaj, piša Catholic.by.
Vysokaha hościa sustreŭ siońniašni apostalski nuncyj, archibiskup Ante Jozič. U Apostalskaj nuncyjatury papskaha lehata pryvitaŭ mitrapalit Minska-Mahiloŭski, archibiskup Juzaf Stanieŭski.
67-hadovy vatykanski ijerarch dobra viadomy biełaruskim viernikam, bo z 2011 pa 2015 hod byŭ apostalskim nuncyjem u našaj krainie. U toj čas jon nieadnarazova braŭ udzieł u Budsłaŭskim feście. Taksama Kłaŭdya Hudžeroci spryčyniŭsia da viartańnia ŭ krainu Tadevuša Kandrusieviča, jakoha ŭłady ŭ 2020 hodzie nie puskali nazad.
Nuncyj Hudžeroci nieadnarazova maliŭsia na Dziady ŭ Kurapatach, a kali byŭ nuncyjem u Vialikabrytanii, pieryjadyčna naviedvaŭ Biełaruskuju biblijateku imia Skaryny ŭ Łondanie.
-
«Stolki hadoŭ ich čakali, i heta ŭžo niejak vyrašym». Siastra Kaleśnikavaj adkazała, kali zmoža sustrecca z Maryjaj
-
«A što my mahli ŭvohule čakać ad Łukašenki? Što jon nie budzie ździekavacca?» Cichanoŭskaja pra vyzvaleńnie palitviaźniaŭ i vysyłku ich va Ukrainu
-
Poŭny śpis palitviaźniaŭ, vyzvalenych 13 śniežnia
Kamientary